ନୟାଗଡ଼, ୬ା୮(ଓଡ଼ିଆ ପୁଅ/ସୁରେନ୍ଦ୍ର ନାଥ ପ୍ରଧାନ): କରୋନା ମହାମାରୀ ନୟାଗଡ଼ ଜିଲାରେ ମାଡ଼ି ମାଡ଼ି ଚାଲିଛି। ଆଜି ଜଣେ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିବାବେଳେ ୨୫ ନୂଆ ପଜିଟିଭ୍ଙ୍କ ସନ୍ଧାନ ମିଳିଛି। ଏହି ମୃତକ ହେଉଛନ୍ତି ଖଣ୍ଡପଡ଼ା ବ୍ଳକ ଫତେଗଡ଼ ଥାନାର ନିମପାଟଣା ଗାଁର। ଯାହାକି ଜିଲାରେ କରୋନା ମୃତ୍ୟୁ ଓ କରୋନା ସମେତ ଅନ୍ୟାନ୍ୟ ଚିକିତ୍ସାରେ ଥାଇ ମୃତ୍ୟୁ ସଂଖ୍ୟା ୫ଥିଲାବେଳେ ଆଜି ଜଣେ କରୋନା ମୃତକଙ୍କୁ ମିଶାଇ ସମୁଦାୟ ଜିଲାରେ କରୋନା ମୃତ୍ୟୁ ସଂଖ୍ୟା ୬ ହୋଇଛି। ସେହିପରି ଜିଲାରେ ଆଜି ୨୫ ନୂଆ କରୋନା ବାହାରିଛନ୍ତି। ଏହି କରୋନା ଆକ୍ରାନ୍ତ ହେଲେ ଭାପୁର ବ୍ଳକର ଜଣେ, ଦଶପଲ୍ଲା ବ୍ଳକର ୯ଜଣ, ଖଣ୍ଡପଡ଼ା ବ୍ଳକର ଜଣେ, ଓଡ଼ଗାଁ ବ୍ଳକର ୬ଜଣ, ରଣପୁର ବ୍ଳକର ୮ଜଣ। ଏହି ନୂଆ ୨୫ ଆକ୍ରାନ୍ତଙ୍କୁ ମିଶାଇ ଜିଲାରେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୮୦୪ରେ ପହଂଚିଛି।
