କନ୍ଧମାଳ, ୫/୪ (ଓଡ଼ିଆ ପୁଅ/ସଞ୍ଜୟ କୁମାର ପାଣିଗ୍ରାହୀ) କରୋନା ପାଇଁ ସବୁ ପ୍ରକାର କାମ ବନ୍ଦ କରିବା ପ୍ରଶାସନ ପକ୍ଷରୁ ନିର୍ଦେଶ ଦିଆଯାଇଛି ହେଲେ ଏହାକୁ ନମାନି କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ କେଳାପଡ଼ା ଗ୍ରାମରେ ୩୦ରୁ ଉର୍ଦ୍ଧ ଶ୍ରମିକ ଇଟା ଗଢୁଥିଲେ, କୌଣସି ସୂତ୍ରରୁ ଖବର ପାଇ ଘଟଣା ସ୍ଥଳରେ ଫିରିଙ୍ଗିଆ ପୋଲିସ ପହଞ୍ଚି ତଦନ୍ତ କରି ୩ ଜଣ ମାଲିକକୁ ଗିରଫ କରିଥିଲେ। ଗିରଫ ହୋଇଥିବା ୩ଜଣ ହେଲେ କେଳାପଡ଼ା ଗ୍ରାମ ଦୋଳପଦା ସାହିର ଜହନ ନାୟକ(୪୬), ଲୁରୁ ନାୟକ (୪୪) ଅନନ୍ତ ନାୟକ(୪୦)। ଏମାନଙ୍କୁ ଫିରିଙ୍ଗିଆ ଥାନା କେଶନଂ.୨୯ /୨୦ ରେ ଏକ ମକଦ୍ଧମା ରୁଜୁ କରି କୋର୍ଟ ଚାଲାଣ କରାଯାଇଥିବା ବିଷୟ ଫିରିଙ୍ଗିଆ ଥାନା ଭାରପ୍ରାପ୍ତ ଅଧିକାରୀ ଶ୍ୟାମ ସୁନ୍ଦର ରାଓ ପ୍ରକାଶ କରିଛନ୍ତି।
