ନୟାଗଡ(ଓଡିଆ ପୁଅ/ଦେବୀପ୍ରସାଦ ଆଚାର୍ଯ୍ୟ)/୦୪/୦୩-ନୟାଗଡ ଜିଲ୍ଲା ରଣପୁର ଏନ୍.ଏ.ସି ହେବାର ୫ବର୍ଷ ବିତିବାକୁ ବସିଥିବା ବେଳେ ଏନ୍.ଏ.ସି ବାସିନ୍ଦା ମାନେ କିଛି ରାସ୍ତା ସଫେଇ ଓ ରାତ୍ରିରେ ରାସ୍ତା ଆଲୋକୀକରଣକୁ ଅନୁଭବ କରୁଥିବା ଜଣା ପଡିଛି । କିନ୍ତୁ ରାତି ସହ ଦିନଯାକ ଷ୍ଟ୍ରିଟ୍ ଲାଇଟ୍ ଜଳିବା ଦେଖିବାକୁ ମିଳୁଛି । ରଣପୁର ସ୍ୱପ୍ନେଶ୍ୱର ମନ୍ଦିରଠାରୁ ନୁଆ ଜଗନ୍ନାଥ ସଡକ, କଲେଜ ରୋଡ୍ ଏବଂ ଅମଲାପଡାରେ ଦିନସାରା ଷ୍ଟ୍ରିଟ୍ ଲାଇଟ୍ ଜଳିବା ଯୋଗୁଁ ବିଦ୍ୟୁତ୍ ଶକ୍ତିର ଅପଚୟ ହେଉଥିବା ଦେଖାଦେଇଛି ।
ଏ ସମ୍ପର୍କେ ରଣପୁର ଏନ୍.ଏ.ସି ଅଧ୍ୟକ୍ଷା ସବିତା ଦାସଙ୍କ ସହ ଯୋଗା ଯୋଗ କରିବାରେ କୁହନ୍ତି ଯେଉଁମାନେ ସୁଇଚ୍ ମାରି ଷ୍ଟ୍ରିଟ୍ ଲାଇଟ୍ ଜଳାଉଛନ୍ତି ସେହିମାନେ ବନ୍ଦ କରିବା କଥା ଏଥିପାଇଁ ଆମେ କଣ କରିବୁ । ତେଣୁ ଏ ସମ୍ପର୍କେ ସେସୁ କନିଷ୍ଠ ଯନ୍ତ୍ରୀ ବିକାଶ ସେନାପତିଙ୍କ ସହ ଯୋଗା ଯୋଗ କରିବାରେ କୁହନ୍ତି ଫେଡ୍କୋ ଏସଡିଓଙ୍କୁ ପଚାରନ୍ତୁ । ଏ ସମ୍ପର୍କେ ଫେଡକୋ ଏସ୍ଡିଓ ବିକାଶ ଶତପଥିଙ୍କ ସହ ଯୋଗା ଯୋଗ କରିବାରେ କୁହନ୍ତି ଆମ୍ଭେ ଦିନସାରା ଷ୍ଟ୍ରିଟ୍ ଲାଇଟ୍ ଜଳି ବିଦ୍ୟୁତ୍ ଅପଚୟ ଘଟଣା ଏନ୍.ଏ.ସି ଅଧିକାରୀଙ୍କୁ ଦୁଇଥର ଜଣାଇଲୁଣି । ଆଜି ନୋଟିସ୍ କରୁଛୁ ଜଦି ଅପଚୟ ନ ରୋକିବେ ରଣପୁର ଏନ୍.ଏ.ସିରୁ ଷ୍ଟ୍ରିଟ୍ ଲାଇଟ୍କୁ କାଟି ଦିଆଯିବ ।
