ଭୁବନେଶ୍ୱର: ପୁରୀ ଜିଲ୍ଲା କୋଣାର୍କ- ଗୋପ ରାସ୍ତାର ସୁବର୍ଣ୍ଣପୁର ନିକଟରେ ଉମାକାନ୍ତ ସାହୁ ନାମକ ଜଣେ କଣ୍ଟ୍ରାକ୍ଟରଙ୍କୁ ଦୁଇ ଜଣ ଦୁର୍ବୁତ୍ତ ଗୁଳିମାଡ଼ କରିଛନ୍ତି।ଉମାକାନ୍ତଙ୍କ ଦୁଇ ଗୋଡ଼ରେ ଗୁଳି ବାଜିଛି।ଚିକିତ୍ସା ପାଇଁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।ଏଣେ ଗୁଳି କରିଥିବା ଦୁଇ ଅପରାଧୀଙ୍କୁ ଗ୍ରାମବାସୀ କାବୁ କରି ନିସ୍ତୁକ ପିଟି ପୋଲିସକୁ ହସ୍ତାନ୍ତର କରିଛନ୍ତି।ଦୁର୍ବୁତ୍ତମାନେ ଆସିଥିବା ସ୍କୁଟିଟିକୁ ଉତ୍ୟକ୍ତ ଗ୍ରାମବାସୀ ପୋଡ଼ି ଦେଇଛନ୍ତି।ଘଟଣା ସ୍ଥଳକୁ ଆସିବାରେ ବିଳମ୍ବ ହେବାରୁ ଉତ୍ୟକ୍ତ ଲୋକ ପୋଲିସ ଉପରେ ମଧ୍ୟ ଆକ୍ରମଣ କରିଥିବା ଖବର ମିଳିଛି।ବଟି ମାଗି ନପାଇବାରୁ କଣ୍ଟ୍ରାକ୍ଟରଙ୍କ ଉପରେ ଦୁର୍ବୁତ୍ତମାନେ ଗୁଳିମାଡ଼ କରିଥିବା ସୂଚନା ମିଳୁଛି।-ଦେବଦତ୍ତ ରଥ
