ନୂଆ ଦିଲ୍ଲୀ ୧-୧୧ (ଓଡ଼ିଆ ପୁଅ) ଝାରଖଣ୍ଡ ବିଧାନସଭା ନିର୍ବାଚନର ଘୋଷଣା କରିଛନ୍ତି ନିର୍ବାଚନ କମିଶନ। ୫ଟି ଫେଜରେ ହେବ ନିର୍ବାଚନ। ମୁଖ୍ୟ ନିର୍ବାଚନ ଆଯୁକ୍ତ ସୁନୀଲ ଅରୋଡ଼ା ପ୍ରେସ କନ୍ଫ୍ରେଂସ କରି ଝାରଖଣ୍ଡ ବିଧାନସଭା ନିର୍ବାଚନର କାର୍ଯ୍ୟକ୍ରମ ଘୋଷଣା କରିଛନ୍ତି।
ପ୍ରଥମ ଚରଣ ୩୦ ନଭେମ୍ବରରେ ଭୋଟଗ୍ରହଣ ହେବ। ଦ୍ୱିତୀୟ ଚରଣ ଡିସେମ୍ବର, ତୃତୀୟ ୧୨ ଡିସେମ୍ବର, ଚତୁର୍ଥ ଚରଣ ୧୬ ଡିସେମ୍ବର ଏବଂ ପଞ୍ଚମ ଚରଣ ୨୦ ଡିସେମ୍ବରରେ ଭୋଟ ଗ୍ରହଣ ହେବ। ୨୩ ଡିସେମ୍ବରରେ ମତଗଣନା ହେବ। ନିର୍ବାଚନ ଘୋଷଣା ସହିତ ରାଜ୍ୟରେ ନିର୍ବାଚନ ଆଚରଣ ବିଧି ଲାଗୁ ହୋଇଛି।
ବର୍ତ୍ତମାନ ଝାରଖଣ୍ଡ ବିଧାନସଭାର ଟର୍ମ ୫ ଜାନୁଆରି ୨୦୨୦ ରେ ସମାପ୍ତ ହେଉଛି। ସର୍ବମୋଟ ୮୧ ଆସନ, ଯେଉଁଥିରେ ୯ଟି ଏସସି ପାଇଁ ସୁରକ୍ଷିତ ଅଛି। ରାଜ୍ୟରେ ୨.୬୫ କୋଟି ମତଦାତା ଅଛନ୍ତି।
