ଫୁଲବାଣୀ,୨୪/୧୦,(ଓଡ଼ିଆ ପୁଅ ପ ନାୟକ): ବେକରେ ଗାମୁଛା ଲଗାଇ ଆତ୍ମହତ୍ୟା କଲେ ଯୁବକ । ଏହି ଘଟଣା ଫୁଲବାଣୀ ମୁନିସିପାଲିଟି ଅନ୍ତର୍ଗତ ପିଅନ ପଡା ଚିଦାନନ୍ଦ ନଗର ସାହିରେ ଘଟିଛି । ତେବେ ବାଲାଜୀ ଭୋଇ ନାମକ ଜଣେ ଯୁବକ ଫ୍ୟାନରେ ଗାମୁଛା ଲଗାଇ ଆତ୍ମହତ୍ୟା କରିଛନ୍ତି । ତେବେ ମିଳିଥିବା ସୂଚନା ଅନୁସାରେ, ଗତକାଲି ନିଜ ଆଇଙ୍କ ଶୁଦ୍ଧ କାର୍ଯ୍ୟ ସାରି ସନ୍ଧ୍ୟା ବେଳେ ସମସ୍ତେ ଘରକୁ ଫେରିଥିଲେ । ପରେ ସେ ଥକ୍କି ଯାଇଥିବାରୁ ରୁମକୁ ଶୋଇବାକୁ ଯାଇଥିଲେ । ହେଲେ ଘରେ କୁଣିଆ ଲୋକଙ୍କ ଗହଳି ଥିବାରୁ ସ୍ତ୍ରୀକୁ ସେମାନଙ୍କ ସହ କଥାବାର୍ତ୍ତା କରିବାକୁ କହି ବେଡ଼ରୁମ ଭିତରପଟୁ ଲକ କରିଦେଇଥିଲେ । କିଛି ସମୟ ପରେ ବାଲାଜୀ ବେକରେ ଗାମୁଛା ବାନ୍ଧି ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ ପରିବାର ଲୋକେ। ଖବର ପାଇ ଫୁଲବାଣୀ ଟାଉନ୍ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ତଦନ୍ତ ଆରମ୍ଭ କରିଛି ।
