ନୟାଗଡ଼,୨୧/୧୦,(ଓଡ଼ିଆ ପୁଅ ପି ନାୟକ): ଶେଷରେ ଗିରଫ ହେଲା ଷ୍ଟୋନ୍ ମ୍ୟାନ୍ କୁମ୍ପା ଓରଫ କିଶୋର ମାଝୀ । ଅନେକ ଚେଷ୍ଟା ପରେ ଶେଷରେ ପୋଲିସକୁ ଆଜି ସଫଳତା ମିଳିଛି । ତେବେ ଗତ ୨୦୧୬ ମସିହାରେ ନୟାଗଡ଼ ଘଡୁଆଳଠାରେ ରତ୍ନ ପଥର ବ୍ୟବସାୟୀ ସୁବାସ ପଣ୍ଡାଙ୍କୁ ପଥରରେ ଛେଚି ଅତି ନିର୍ମମ ଭାବେ ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ଥିଲା କୁମ୍ପା । ମାତ୍ର ଆଜି ପର୍ଯ୍ୟନ୍ତ ପୋଲିସ କୁମ୍ପାର ଟେର ପାଉନଥିଲା କି ତାକୁ ଧରିବାରେ ସକ୍ଷମ ହୋଇପାରିନଥିଲା । ମାତ୍ର ଆଜି ହତ୍ୟାକାଣ୍ଡ ଘଟିଥିବା ସ୍ଥାନରୁ ପୋଲିସ କୁମ୍ପାକୁ ଧରିବାରେ ସକ୍ଷମ ହୋଇଛି । ଅଭିଯୁକ୍ତର ଘର ଟାଉନ ଥାନା ଦୁର୍ଗାପ୍ରସାଦରେ ବୋଲି ଜଣାପଡ଼ିଛି ।
