ଖୋର୍ଦ୍ଧା,୨୧/୧୦,(ଓଡ଼ିଆ ପୁଅ ପି ନାୟକ): ଖୋର୍ଦ୍ଧା ଜିଲ୍ଲାରେ ପୁଣି ହାତୀ ଉପଦ୍ରବ ଦେଖିବାକୁ ମିଳିଛି । ଏକମାସ ଧରି ପ୍ରାୟ ୩୦ ହାତୀପଲ ଚିତ୍ରକୂଟ, ଗୁଣ୍ଠା, ବଘେଇପୁଟ, ଡମଣଭୂଇଁ, ଗୟାବନ୍ଧ, ଶ୍ୟାମକଳସ ଓ ଗଗାଂପାହାଡ ଅଞ୍ଚଳରେ ଉତ୍ପାତ କରିବା ସହ ଧାନ କିଆରିରେ ପଶି ଫସଲ ଦଳି ଚକଟି ନଷ୍ଟ କରୁଥିବା ଗ୍ରାମବାସୀ ଅଭିଯୋଗ କରିଛନ୍ତି । ଏହାଛଡା ସନ୍ଧ୍ୟା ହେଲେ ହାତୀ ଭୟରେ ଲୋକେ ଘରୁ ମଧ୍ୟ ବାହାରୁନଥିବା କହିଛନ୍ତି ।ଏହି ଅଞ୍ଚଳରେ ପ୍ରତିବର୍ଷ ହାତୀ ଉପଦ୍ରବ କରୁଥିବା ବେଳେ ବନ ବିଭାଗ ହାତୀମାନଙ୍କୁ ଘଉଡେଇବାରେ ସଂପୂର୍ଣ୍ଣ ଭାବରେ ବିଫଳ ହୋଇଥିବା ଲୋକେ କହିଛନ୍ତି ।
