ପୁରୀ,୧୫/୧୦,(ଓଡ଼ିଆ ପୁଅ ପି ନାଏକ): ପରୀକ୍ଷା ଦେବାକୁ ଆସି ପୁରୀ ସମୁଦ୍ର ରେ ଭାସିଯାଇ ନିଖୋଜ ହୋଇଯାଇଛନ୍ତି ୨ ଯୁବକ । ଆଜି ଏହି ଦୁଃଖଦ ଘଟଣା ଘଟିଯାଇଛି । ତେବେ ମିଳିଥିବା ସୂଚନା ମୁତାବକ, ଉକ୍ତ ଦୁଇ ଯୁବକ ୧୨୦ ବାଟାଲିୟନରେ ଆର୍ମିରେ ଭର୍ତ୍ତି ହେବା ପାଇଁ ପରୀକ୍ଷା ଦେବାକୁ ଆସିଥିଲେ । ଆଉ ପରୀକ୍ଷା ସରିବା ପରେ ସେମାନେ ପୁରୀ ବୁଲିବାକୁ ଆସିଥିଲେ । ହେଲେ ଦୁର୍ଭାଗ୍ୟବଶତଃ ହଠାତ୍ ସେମାନେ ସ୍ରୋତରେ ଭାସି ଯାଇଥିଲେ । ନିଖୋଜ ଯୁବକମାନେ ଅନୀଲ ଶିଖରଓ୍ୱାଲ ଓ ବିଜୟ ପାଲ୍ ହୋଇଥିବା ବେଳେ ସେମାନେ ଉତ୍ତର ପ୍ରଦେଶର ବୋଲି ଜଣାପଡିଛି ।
