ମୁମ୍ବାଇ ୨-୮ (ଓଡ଼ିଆ ପୁଅ) ମହାରାଷ୍ଟ୍ରର ନନ୍ଦେଡ ସହରର ଏକ ଆବାସିକ କୋଠାର ଏକାଦଶ ମହଲାରୁ ଜଣେ ଦ୍ୱାଦଶଶ୍ରେଣୀ ଛାତ୍ରୀ ଜେଇଁପଡ଼ି ମୃତ୍ୟୁ ବରଣ କରିଥିବା ଏକ ଖବରରୁ ପ୍ରକାଶ। ଖବର ଅନୁଯାୟ, ରବିବାର ସକାଳ ପ୍ରାୟ ୯ ଟା ସମୟରେ ନନ୍ଦେଡର ସିହ୍ନାଗଡ ରୋଡରେ ଏହି ଘଟଣା ଘଟିଛି। ମୃତକ ହେଲେ ୧୭ ବର୍ଷିୟ ଶ୍ରେୟା ଗଣେଶ ପୁରନ୍ଦରେ। ପ୍ରାଥମିକ ଅନୁସନ୍ଧାନକୁ ଭିତ୍ତି କରି ପୋଲିସ କହିଛି ଯେ ବିଜ୍ଞାନର ଛାତ୍ରୀ ତାଙ୍କ ଅଧ୍ୟୟନରେ ଅସୁବିଧାର ସମ୍ମୁଖୀନ ହେଉଥିଲେ ଏବଂ ଏକାଡେମିକ ଚାପ ଯୋଗୁଁ ଏହି ଚରମ ପଦକ୍ଷେପ ନେଇଛନ୍ତି। ଏକାଧିକ ଥର, ସେ ତାଙ୍କ ଅଧ୍ୟୟନରେ ସମ୍ମୁଖୀନ ହେଉଥିବା ଅସୁବିଧା ବିଷୟରେ ତାଙ୍କ ମାତାଙ୍କୁ କହିଥିଲେ।
ଏହି ଘଟଣା ପରେ ସମ୍ପର୍କୀୟ ଓ ପରିବାର ସଦସ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ସେ ଜାତୀୟ ସ୍ତରର ଅଶ୍ୱାରୋହୀ ମଧ୍ୟ ଥିଲେ ଏବଂ ସେ ଦଶମ ଶ୍ରେଣୀ ପରୀକ୍ଷାରେ ୯୫ ପ୍ରତିଶତ ସ୍କୋର କରିଥିଲେ।
ପୋଲିସ ଅଧିକାରୀ କହିଛନ୍ତି ଯେ, ତାଙ୍କ ମା’ଙ୍କ ଅନୁଯାୟୀ, ଗତ କିଛି ଦିନ ହେବ ସେ ଅନଲାଇନ୍ ପାଠପଢ଼ାର ମୁକାବିଲା କରିପାରିନଥିଲେ। ଶ୍ରେୟା ସେହି କୋଠାରେ ତାଙ୍କ ଘର ପ୍ରଥମ ମହଲାରେ ରହୁଥିଲେ।
ଘଟଣା ଦିନ ତାଙ୍କ ପିତାମାତା ଏବଂ ସାନଭାଇ ଘରେ ଥିଲେ। ବିଲଡିଂର ସିସିଟିଭି ଫୁଟେଜରେ ଏହା ଦେଖିବାକୁ ମିଳେ ଯେ, ଶ୍ରୀୟା ସକାଳ ପ୍ରାୟ ୯ ଟା ବେଳେ ତାଙ୍କ ଘର ଛାଡି ଲିଫ୍ଟରେ ଏକାଦଶ ମହଲାକୁ ଯାଇଥିଲେ। ସେ ଏକାଦଶ ମହଲାରୁ ତଳକୁ ଡେଇଁ ପଡ଼ି ମୃତ୍ୟୁ ବରଣ କରିଛନ୍ତି। ଏହି ମାମଲାରେ ଅଧିକ ତଦନ୍ତ ଚାଲିଛି।
ମିଡିଆ ରିପୋର୍ଟ ଅନୁଯାୟୀ, ପ୍ରଥମ ମହଲାରେ ରହୁଥିବା ସେହି କୋଠାର ବାସିନ୍ଦା ରବିବାର ସକାଳେ ତାଙ୍କ ଫ୍ଲାଟର ବାଲକୋନୀରେ ବ୍ୟାୟାମ କରୁଥିଲେ। ହଠାତ୍ ସେ ଏକ ଉଚ୍ଚ ଶବ୍ଦ ଶୁଣି ତଳକୁ ଦେଖିଲେ। ସେ ଦେଖିଲେ କେହି ଜଣେ ତଳେ ପଡ଼ିଯାଇଛନ୍ତି।
ସେ ହଲ୍ଲା କରିବା ପରେ ସୁରକ୍ଷାକର୍ମୀ ଏବଂ ବିଲ୍ଡିଂର ଅନ୍ୟ ବାସିନ୍ଦା ଘଟଣାସ୍ଥଳକୁ ଆସିଥିଲେ। ସେମାନେ ଆହତ ଛାତ୍ରୀଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ, ଯେଉଁଠାରେ ତାଙ୍କୁ ମୃତ ଘୋଷଣା କରାଯାଇଥିଲା। ପୋଷ୍ଟମର୍ଟମ ରିପୋର୍ଟରୁ ଜଣାପଡିଛି ଯେ ସେ ଏକାଧିକ ଆଘାତରେ ମୃତ୍ୟୁ ବରଣ କରିଛନ୍ତି।
