ନୟାଗଡ(ଓଡିଆ ପୁଅ/ଦେବୀପ୍ରସାଦ ଆଚାର୍ଯ୍ୟ)/୧୩/୧୨- ନୟାଗଡ ଜିଲ୍ଲା ରଣପୁର ହରଚଣ୍ଡିସାହି ସ୍ଥିତ ରଘୁନାଥଜୀୟୁ ମନ୍ଦିରରେ ଚାଲିଥିବା ୪ ଦିନ ବ୍ୟାପୀ ବିଶ୍ୱଶାନ୍ତି ମହାଯଜ୍ଞର ପୁର୍ଣ୍ଣାହୁତି ସମାପନ ହୋଇଯାଇଅଛି । ୧୩ ବର୍ଷ ଧରି ରଘୁନାଥଜୀୟୁ ଙ୍କ ବିଗ୍ରହ ପ୍ରତିଷ୍ଠା ପରେ ଏହି ମହାଯଜ୍ଞ ଅନୁଷ୍ଠିତ ହୋଇଆସୁଅଛି ।
ଏଥିରେ ହରଚଣ୍ଡି ସାହି , ପାଟରାସାହି , ସାମୁକା ସାହି , ଖମାରି ସାହି, ଖଟିଆ ସାହି ଆଦିର ଶ୍ରଦ୍ଧାଳୁ ଭକ୍ତମାନେ ଅଂଶ ଗ୍ରହଣ କରିଥିଲେ । ପ୍ରତିଦିନ ଅପରାହ୍ନରେ ରାମଚରିତ ମାନସ ପାରାୟଣ ପ୍ରବଚନ ଅନୁଷ୍ଠିତ ହେଉଥିଲା । ପୁର୍ଣ୍ଣାହୁତି ଦିବସରେ ଅନ୍ନଛତ୍ର ଖୋଲାଯାଇ ସମସ୍ତ ଶ୍ରଦ୍ଧାଳୁ ଭକ୍ତ ଓ ଶିଶୁ ମାନଙ୍କୁ ପ୍ରସାଦ ପରିବଣ୍ଟନ କରାଯାଇଥିବା ଜଣାପଡିଛି ।
