ବିହାର ୨୬ ଅଗଷ୍ଟ (ଓଡ଼ିଆ ପୁଅ) : ଆଜି ବିହାରର ପଶ୍ଚିମ ଚମ୍ପାରଣ ଜିଲ୍ଲାରେ ବାଗାରେ ଏକ ଡଙ୍ଗା ଦୁର୍ଘଟଣାରେ ଅତି କମରେ ୨୦ ଜଣ ନିଖୋଜ ଥିବା ସୂଚନା ମିଳିଛି। SDRF ର ଜଣେ ଅଧିକାରୀଙ୍କ କହିବାନୁସାରେ, ଦୁର୍ଘଟଣା ସମୟରେ ୨୫ ଜଣ ଡଙ୍ଗାରେ ଥିଲେ। ସେମାନେ ଡାଏରା ଅଞ୍ଚଳର ବିଭିନ୍ନ ଗ୍ରାମରୁ ବାଗା ସହରର ଦେନ୍ଦାୟାଲ ଘାଟ ଅଭିମୁଖେ ଯାଉଥିଲେ। ଯେତେବେଳେ ଡଙ୍ଗା ଗାନ୍ଧକ ନଦୀର ମଧ୍ୟଭାଗରେ ପହଞ୍ଚିଲା ସେତେବେଳେ ପ୍ରବଳ ପବନ ଓ ଲହଡ଼ି ଯୋଗୁଁ ଏହା ନିୟନ୍ତ୍ରଣ ହରାଇ ନଦୀରେ ଓଲଟି ପଡିଥିଲା।
ପାଞ୍ଚ ଜଣ ସୁରକ୍ଷିତ ଭାବେ ପହଁରି କୂଳକୁ ଆସିଥିଲେ ମଧ୍ୟ ଚାରିଜଣ ମହିଳାଙ୍କ ସମେତ ଅନ୍ୟ ୨୦ ଜଣ ନିଖୋଜ ଥିବା ଜଣାଯାଇଛି।
ଆଉ ଜଣେ SDRF ଅଧିକାରୀ କହିଛନ୍ତି ଯେ ଗାନ୍ଧକ ନଦୀରେ ନିଖୋଜ ଯାତ୍ରୀଙ୍କୁ ଖୋଜିବା ପାଇଁ ଡାଇଭରଙ୍କ ସହାୟତାରେ ଆମେ ସର୍ଚ୍ଚ ଅପରେସନ ଆରମ୍ଭ କରିଛୁ।
ବିହାର ନେପାଳରେ ଲଗାତାର ବର୍ଷା ହେତୁ ଉତ୍ତର ବିହାରର ଅନେକ ଜିଲ୍ଲା ଦେଇ ଗାନ୍ଧକ ନଦୀ ଗତ ଏକ ମାସ ଧରି ବିପଦ ସଙ୍କେତ ଉପରେ ପ୍ରବାହିତ ହେଉଛି। ବନ୍ୟା ଯୋଗୁଁ ରେଳ ଏବଂ ସଡକ ସମେତ ଅଧିକାଂଶ ପରିବହନ ବ୍ୟବସ୍ଥା ଖରାପ ପ୍ରଭାବିତ ହୋଇଥିବାରୁ ଲୋକମାନେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯାତ୍ରା କରିବା ପାଇଁ ଡଙ୍ଗା ହେଉଛି ଏକମାତ୍ର ବିକଳ୍ପ।
