ବାଲେଶ୍ୱର ୮-୧୨ (ଓଡ଼ିଆ ପୁଅ) : ବାଲେଶ୍ୱରର ଶେରଗଡ଼ ନିକଟରେ ପୁରୀର ବାଲିସାହିରୁ ୨୫ଜଣ ପର୍ଯ୍ୟଟକ ମୟୁରଭଞ୍ଜର ଦେବକୁଣ୍ଡ ଯାଉଥିବା ବେଳେ ତାଙ୍କର ଟ୍ରାଭେଲର ଦୁର୍ଘଟଣାଗ୍ରସ୍ତ ହୋଇଛି। ଏହା ଫଳରେ ୩ ଜଣଙ୍କର ମୃତ୍ୟୁ ହୋଇତିବା ବେଳେ ୧୨ ଜଣ ଆହତ ହୋଇଛନ୍ତି। ଖବର ଅନୁଯାୟୀ, ମୃତକମାନେ ହେଲେ ତ୍ରିନାଥ ଦାସ(୪୫),ବାପି ମିଶ୍ର(୪୦) ଏବଂ ଗଙ୍ଗାଧର ଦାସ(୮୦)। ଆହତ ମାନଙ୍କୁ ବାଲେଶ୍ଵର ମେଡିକାଲ କଲେଜରେ ଚିକିତ୍ସା କରାଯାଉଛି। ଏହି ଘଟଣା ବାଲେଶ୍ଵର ଜିଲ୍ଲା ସୋରର ଶେରଗଡ ଜଗନ୍ନାଥ ପେଟ୍ରୋଲ ପମ୍ଫ ନିକଟରେ ରବିବାର ସକାଳ ୫ଟାରେ ଘଟିଛି। ଟ୍ରାଭେଲର ଗାଡିଟି ୨୫ ଜଣ ପର୍ଯ୍ୟଟକଙ୍କୁ ନେଇ ମୟୁରଭଞ୍ଜର ଦେବକୁଣ୍ଡ ଯାଉଥିବା ବେଳେ ରାସ୍ତା କଡରେ ଠିଆ ହୋଇଥିବା ଏକ ଟ୍ରକକୁ ଟ୍ରାଭେଲର ଗାଡିଟି ପଛପଟୁ ଧକ୍କା ଦେଇଥିଲା।
