ମାଲକାନଗିରି,୨୯ା୯ (ଓଡିଆ ପୁଅ )ମାଲକାନଗିରି ଥାନାସସ୍ଥ ତଣ୍ଡାପାଲି ଏମଭି୧୫ ନମ୍ବର ରାସ୍ତାକଡରେ ଥିବା ଏକ ଛୋଟପୋଖରୀ ରୁ ଜଣ ଅଚିହ୍ନା ଯୁବକର ମୃତ ଶରୀର ପୁଲିସ ଉଦ୍ଧାର କରି ତଦନ୍ତ ଚଳାଇଛି । ତଣ୍ଡାପାଲି ଓ ଏମଭି୧୫ ଗ୍ରାମ ମୁଖ୍ୟ ରାସ୍ତା କଡରେ ଥିବା ଏକ ଛୋଟ ପୋଖରୀରେ ଜଣେ ଅଚିହ୍ନା ଯୁବକର ମୃତଶରୀର ପଡିଥିବାର ଗ୍ରାମବାସୀ ମାନେ ଆଜି ସକାଳେ ଦେଖିବାକୁ ପାଇଥିଲେ । ଗ୍ରାମବାସୀ ମାନେ ଏ ସଂପର୍କରେ ମାଲକାନଗିରି ଆଦର୍ଶ ଥାନାକୁ ଜଣାଇଥିଲେ,ଥାନା ଆଇଆଇସି ରାମପ୍ରସାଦ ନାଗ ପୁଲିସ ସଦଳବଳ ସହିତ ଅଗ୍ନିଶମ ବିଭାଗ କର୍ମଚାରୀ ମାନଙ୍କୁ ଧରି ସେଠାରେ ପହଁଚିଥିଲେ, ପୋଖରୀ ମଧ୍ୟରୁ ଅଗ୍ନିଶମ ବିଭାଗ କର୍ମଚାରୀ ମାନଙ୍କ ସହାୟତାରେ ମୃତଶରୀର ଉଦ୍ଧାର କରିଥିଲେ । ଯୁବକଟି ଫୁଲ ପ୍ୟାଟଂ,ଫୁଲ ସାର୍ଟ ପିନ୍ଧିଥିଲା,ହାତ ଉପରକୁ ଟେକି ମୃତଅବସ୍ଥାରେ ପାଣିରେ ଭାସୁଥିବାର ଦେଖିବାକୁ ମିଳିଛି, ଉଦ୍ଧାର ମୃତ ଶରୀରକୁ ପୁଲିସ ମାଲକାନଗିରି ଜିଲ୍ଲାହସପିଟାଲକୁ ଶବବ୍ୟବଛେଦ ନିମନ୍ତେ ପଠାଇ ଦେଇଛନ୍ତି ।ମାଲକାନଗିରି ଥାନାରେ ଏ ସଂପର୍କରେ ଏକ ମାମଲାରୁଜୁ କରାଯାଇ ପୁଲିସ ପକ୍ଷରୁ ଅଚିହ୍ନା ଯୁବକର ପରିଚୟ ଖୋଜିବା ସହିତ ମୃତ୍ୟୁ ସଂପର୍କରେ ତଦନ୍ତ ଆରମ୍ଭ କରିଛି ।
