କଳାହାଣ୍ଡି ତା.୧୫.୦୬.୨୦୨୧ (ଓଡିଆପୁଅ) ଇନ୍ଦ୍ରାବତୀ ଜଳସେଚନ ଯୋଜନାରେ ଆଗାମୀଦିନରେ ସଠିକ ଭାବରେ ଜଳସେଚନ ବ୍ୟବସ୍ଥା କରାଯିବା ପାଇଁ ଜୁନାଗଡ ବିଧାୟକ ତଥା ଶକ୍ତି ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର ବିଭାଗୀୟ ପଦାଧିକଲାରୀ ମାନଙ୍କୁ ନେଇ ଏକ ସମୀକ୍ଷା ବୈଠକ କରିଛନ୍ତି । ଭବାନୀପାଟଣାସ୍ଥିତ ସର୍କିଟ ହାଉସରେ ଅନୁଷ୍ଠିତ ଏହି ସମୀକ୍ଷା ବୈଠଖରେ ଇନ୍ଦ୍ରାବତୀ ମୂଖ୍ୟ ନିର୍ମାଣ ଯନ୍ତ୍ରୀ, ବାମ ମୂଖ୍ୟ କେନାଲର ନିର୍ବାହୀ ଯନ୍ତ୍ରୀ, ଡାହାଣ ମୂଖ୍ୟ କେନାଲର ନିର୍ବାହୀ ଯନ୍ତ୍ରୀ, ଓଏଚପିସିର ମୂଖ୍ୟ ସାଧାରଣ ପରିଚାଲକ, ସାଧାରଣ ପରିଚାଲକ ପ୍ରମୂଖ ଉପସ୍ଥିତ ଥିଲେ ।
ଆଗାମୀ ଦିନରେ କେନାଲ ଗୁଡିକର ତୁରନ୍ତ ମରାମତି, କେନାଲ ତଳମୁଣ୍ଡକୁ ଜଳସେଚନ ପାଣି ପହଂଚାଇବା ଆଦି ବିଭିନ୍ନ ସମସ୍ୟା ଉପରେ ଆଲୋଚନା ହୋଇଥିଲା । ବିଶେଷ କରି ବାମକେନାଲ ଅନ୍ତଗ୍ରତ ଅମ୍ବାଦୁଲା ଡିଷ୍ଟ୍ରିବ୍ୟୂଟାରୀ, ଗୁନଗୁନିଆ ଡିଷ୍ଟ୍ରିବ୍ୟୁଟାରୀ, ଡାହାଣ କେନାଲ ର ମୁଣ୍ଡରାଗୁଡା ଡିଷ୍ଟ୍ରିବ୍ୟୁଟାରୀ, ଭତ୍ରାଯୋର ଡିଷ୍ଟ୍ରିବ୍ୟୁଟାରୀ ଆଦି ଅନେକ କେନାଲ ର ଲାଇନିଂ କାର୍ଯ୍ୟ କରାଯିବା ପାଇଁ ମାନ୍ୟବର ମନ୍ତ୍ରୀ ବିଭାଗୀୟ କର୍ତୃପକ୍ଷଙ୍କୁ ନିର୍ଦ୍ଦେଶ ଦେଇଥିବା ଜଣାପଡିଛି
ସେହିପରି ବାମ କେନାଲରୁ ତଳମଲା, ଆଟିଗାଂ ଅଂଚଳକୁ ଜଳସେଚନ ବ୍ୟବସ୍ଥା ସୂଚାରୂ ରୂପେ କରାଯିବା ପାଇଁ ନିର୍ଦ୍ଦେଶ ଦେଇଥିବା ଜଣାପଡିଛି । ଇନ୍ଦ୍ରାବତୀ ବହୁମୂଖି ଜଳସେଚନ ଯୋଜନାକୁ କଳାହାଣ୍ଡି ଜିଲ୍ଲାର ଜୀବନରେଖା ବୋଲି କୁହାଯାଉଥିବା ବେଳେ ଜଳସେଚନ ଯୋଜନାରେ ପ୍ରତିବର୍ଷ ଅବ୍ୟବସ୍ଥା ଦେଖାଯାଇଥାଏ । ଏହି ଯୋଜନାରେ ୬୦୦ ମେଗାୱାଟ ଜଳବିଦ୍ୟୁତ ଉତ୍ପାଦନ କ୍ଷମତା ଥିବା ବେଳେ ସେଥିରୁ ଉଦବୃତ ଜଳ ମଙ୍ଗଳପୁର ଠାରେ ହାତୀନଦୀ ଶଯ୍ୟା ଉପରେ ବେରେଜ ନିର୍ମାଣ କରାଯାଇ ବାମ ଓ ଡାହାଣ କେନାଲ ମାଧ୍ୟମରେ ଖରିଫ ଓ ରବି ଋତୁରେ ଚାଷ ପାଇଁ ଜଳସେଚନ ବ୍ୟବସ୍ଥା କରାଯାଇଥାଏ । ଏହି ଜଳସେଚନ ବିଭାଗୀୟ ପଦାଧିକାରୀଙ୍କ ଖାମଖିଆଲି ମନୋଭାବ ଯୋଗୁଁ ଅବ୍ୟବସ୍ଥା ମଧ୍ୟରେ ହେଉଥିବା ବେଳେ ପ୍ରାୟତଃ ସମସ୍ତ କେନାଲର ଶେଷମୁଣ୍ଡକୁ କେନାଲ ପାଣି ପହଂଚି ପାରିନଥାଏ ।
ଅନ୍ୟପକ୍ଷରେ ଜଳବିଦ୍ୟୁତ ବିଭାଗ ଓଏଚପିସି ଓ ଜଳସେଚନ ବିଭାଗର ତାଳମେଳ ରହୁନଥିବା ହେତୁ ଚାଷି ମାନଙ୍କ ଆବଶ୍ୟକତା ସମୟରେ ଜଳସେଚନ ପାଇଁ ପାଣି ଅଭାବ ଦେଖାଦେଉଥିବା ବେଳେ ଅନାବଶ୍ୟକ ସମୟରେ ମାତ୍ରାଧିକ ପାଣି କେନାଲରେ ଛାଡି ଦେଉଥିବା ଯୋଗୁଁ ଚାଷ ନଷ୍ଟ ହେଉଥିବାର ଅନେକ ଉଦାହରଣ ମଧ୍ୟ ରହିଛି । ଅତୀତରେ ଏନେଇ ଚାଷୀ ମହଲରେ ଅନେକବାର ଦାବୀ ହେବା ସହ ଜିଲ୍ଲା କୃଷକ ଫେେରେସନ ତରଫରୁ ଅନେକ ବାର ଉଦ୍ୟମ କରାଯାଇଥିଲେହେଁ ଓଏଚପିସି ପଦାଧରକାରୀ ଓ ଜଳସେଚନ ବିଭାଗୀୟ ପଦାଧିକାରୀ ଙ୍କ ଅସହଯୋଗ ହେତୁ କୌଣସି ଫଳପ୍ରଦ ହୋଇପାରିନାହିଁ । ବର୍ତମାନ ଶକ୍ତି ବିଭାଗ ଦାୟୀତ୍ୱରେ ଜିଲ୍ଲାର ମନ୍ତ୍ରୀ ଥିବା ହେତୁ ଆଗାମୀ ଦିନରେ ଏସଂପର୍କରେ ଅଗ୍ରଗତି ହୋଇପାରିବ ବୋଲି ଚାଷୀ ମହଲରେ ଆଶା ସଂଚାର ହୋଇଛି ।
