ମାଲକାନଗିରି,୧୮ା୨ (ଓଡିଆ ପୁଅ ) ପେଟପାଇଁ ସୁଦୂର କୁନ୍ଦୁରା ଅଚଂଳରୁ ମାଲକାନଗିରି କୁ ଆସି ଇଟାଭାଟିରେ କାମକରୁଥିବା ଏକ ଗରିବ ଦମ୍ପତିଙ୍କ ଦୁଇଜଣ ଶିଶୁ ପୋଡି ହୋଇ ଗୁରୁତର ହେବା ଓ ଚିକିତ୍ସାଧିନ ଅବସ୍ଥାରେ ଜଣେ ଶିଶୁର ମୃତ୍ୟୁ ଘଟିଥିବା ବେଳେ ଅନ୍ୟଜଣେ ଗୁରୁତର ହୋଇ ହସପିଟାଲରେ ବଚିଂବା ପାଇଁ ସଂଘର୍ଷ କରୁଥିବା ଘଟଣା ସମଗ୍ର ମାଲକାନଗିରି ଜିଲ୍ଲାରେ ଶୋକର ଛାୟା ଖେଳାଇ ଦେଇଛି । ମାଲକାନଗିରି ଥାନାସ୍ଥ ଗୌଡଗୁଡା କଲୋନିରେ ମାଲକାନଗିରି ର ଲାଛନା ନାମକ ଜଣେ ଇଟାଭାଟି ମାଲିକ ଙ୍କ ନିକଟରେ କୋରାପୁଟ ଜିଲ୍ଲା କୁନ୍ଦୁରାବ୍ଲକ କ ରାଣିଗୁଡା,ଚେରକିଗୁଡା ଗ୍ରାମର ପ୍ରାୟ ୪୦ରୁ ଉର୍ଦ୍ଦ ଶ୍ରମିକ ଆସି ଇଟାଭାଟିରେ କାମକରୁଥିଲେ । ସେମାନଙ୍କ ମଧ୍ୟରୁ ଚେରକିଗୁଡା ଗ୍ରାମର ବୁଲୁହରିଜନ ତାଙ୍କ ପତ୍ନୀ ଓ ଦୁଇଟି ପିଲା ଆସିଥିଲେ । ଶ୍ରମିକ ମାନଙ୍କୁ ଇଟା ରେ କାନ୍ଥସଜାଇ ଉପରେ ନଡାଛପର ଅସ୍ଥାୟୀ ଘରେ ରହିବାର ବ୍ୟବସ୍ଥା ମାଲିକ କରିଦେଇଥିଲେ । ସେହି ଘରେ ଶ୍ରମିକ ମାନେ ନିଜ ପିଲାଛୁଆଙ୍କୁ ଧରି ରୋଷେଇ ବାସ କରି ଇଟାକାମକରିବା କୁ ଯାଇଥାନ୍ତି । ସବୁଦିନ ପରି ଆଜି ବଢିଭୋର ରୁ ବୁଲୁ ହରିଜନ ଓ ତାଙ୍କ ପତ୍ନୀ ଦୁଇଟି ପିଲାଙ୍କୁ କମ୍ବଳ ଘୋଡାଇ ଶୁଆଇ ଦେଇ ଇଟାଭାଟି କୁ କାମକରିବାକୁ ପଳାଇଥିଲେ । ସେହି ଘରେ ଡିବିରି ଆଲୁଅ ଜଳୁଥିଲା ,ପିଲା ମାନଙ୍କ ଗୋଡ ଡିବିରି ରେ ବାଜି ଯାଇ ଘରେ ନିଆଁଲାଗି ଯାଇ ଘରେ ଥିବା ଲୁଗାପଟା ଆସବାପତ୍ର ସହିତ ନଡାଛପରପୋଡି ଯାଇଥିଲା । କମ୍ବଳ ଘୋଡାଇ ଶୋଇଥିବା ରଣବିର ହରିଜନ(୭) ଓ ଭଉଣୀ ଦିବ୍ୟାସିଂ ହରିଜନ (୩) ଏହି ନିଆଁରେ ପୋଡି ହୋଇ ଚିତ୍କାର କରିଥିଲେ,ସେ ଦୁହେଁଙ୍କୁ ନିକଟରେ ଥିବା ଗ୍ରାମବାସୀ ମାନେ ଗୁରୁତର ଅବସ୍ଥାରେ ଘରୁ ଉଦ୍ଧାର କରିଥିଲେ,ଏ ଖବର ଶୁଣି ଇଟାଭାଟିରେ କାମକରୁଥିବା ବୁଲୁ ହରିଜନ ଓ ତାଙ୍କ ପତ୍ନୀ ସେଠାରେ ପହଁଚି ଗ୍ରାମବାସୀଙ୍କ ସହାୟତାରେ ପ୍ରଥମେ ମାଲକାନଗିରି ଜିଲ୍ଲାହସପିଟାଲକୁ ନେଇ ଚିକିତ୍ସା କରିଥିଲେ । ସେଠାରେ ଦୁହେଁଙ୍କ ଅବସ୍ଥା ଅତ୍ୟନ୍ତ ସଙ୍କଟାପନ୍ନ ହେବାରୁ ଆଜି ସକାଳେ ଉଚ୍ଚତର ଚିକିତ୍ସା ନିମନ୍ତେ ଡାକ୍ତର ମାନେ କୋରାପୁଟ ସହିଦ ଲ କ୍ଷମ୍ଣ ନାୟକ ମେଡିକାଲ କଲେଜକୁ ସ୍ଥାନାନ୍ତର କରିଥିଲେ । କୋରାପୁଟ ହସପିଟାଲରେ ଚିକିତ୍ସା ଧିନ ଅବସ୍ଥାରେ ଝିଅ ଦିବ୍ୟାସିଂ ଙ୍କର ମୃତ୍ୟୁ ଘଟିଥିବା ବେଳେ ପୁଅ ରଣବୀର ଗୁରୁତର ଅବସ୍ଥାରେ ଚିକିତ୍ସାଧିନ ରହି ଜୀବନ ମରଣ ସହ ସଂଘର୍ଷ କରୁଛି । ଏହି ଦମ୍ପତି ଅତ୍ୟନ୍ତ ଗରିବ ହୋଇଥିବାରୁ ପେଟପାଇଁ କୁନ୍ଦୁରା ଅଚଂଳରୁ ମାଲକାନଗିରି କୁ ପଳାଇ ଆସି ଇଟାଭାଟିରେ କାମକରି ଜିବୀନିର୍ବାହ କରୁଥିଲେ । ସେମାନେ କେତେ ଆଶା ରଖିଥିଲେ ଦୁଇପଇସା ରୋଜଗାର କରି ପୁଅ ଓ ଝିଅ ଙ୍କୁ ପାଠପଢାଇ ବଡ ମଣିଷକରିବେ ,ହେଲେ ସେମାନଙ୍କ ଆଶା ପୁରଣ ହେବା ପରିବର୍ତେ ଗେଲବସର ଝିଅ ଦିବ୍ୟାସିଂ ପୋଡିହୋଇ ମୃତ୍ୟୁ ହୋଇଥିବା ବେଳେ ପୁଅ ପୋଡି ହୋଇ ଏବେ ହସପିଟାଲରେ ବଚିଂବା ପାଇଁ ସଂଘର୍ଷ ଚଳାଇଛି । ଏହି ଗରିବ ଦମ୍ପତିଙ୍କୁ ସରକାରଙ୍କ ପକ୍ଷରୁ ସହାୟତା ଯୋଗାଇ ଦେବା ପାଇଁ ଗ୍ରାମବାସୀ ମାନେ ଦାବିକରିଛନ୍ତି । ସୁଚନା ଯୋଗ୍ୟ ଯେ କେନ୍ଦ୍ର ଓ ରାଜ୍ୟସରକାର ଚେମିନ ମାଟି ଇଟା ଭାଟିକୁ ବେଆଇନ ଘୋଷଣା କରି ବନ୍ଦକରିଦେଇ ଥିବା ବେଳେ ,କେନ୍ଦ୍ର ଓ ରାଜ୍ୟ ସରକାରଙ୍କ ନିୟମକୁ ମାଲକାନଗିରି ଜିଲ୍ଲାର କିଛି ଇଟାଭାଟି ବ୍ୟବସାୟୀ ଓ ମିଲକ ନ ମାନି ଖୋଲମ ଖୋଲା ଭାବେ ମନଇଛା ସରକାରୀ ଜମିରେ ଇଟାଭାଟି ପକାଉଥିଲେ ମଧ୍ୟ ବିଭାଗୀୟ ଅଧିକାରୀ ମାନେ ସବୁ ଦେଖି ନ ଦେଖିଲା ପରି ଆଖିବୁଜିଦେଉ ଥିବାର ଜଣାପଡିଛି ।
