ad
ଓଡ଼ିଶା

ବିହାର ନିର୍ବାଚନ : ମହାଗଠବନ୍ଧନରେ ଆସନ ବୁଝାମଣା, ଜାଣନ୍ତୁ କାହାର କେତେ

ପାଟନା, ୦୩ ଅକ୍ଟୋବର ୩-୧୦ (ଓଡ଼ିଆ ପୁଅ) ବିହାର ବିଧାନସଭା ନିର୍ବାଚନ ପାଇଁ ମହାଗଠବନ୍ଧନରେ ଆସନ ବୁଝାମଣା ହୋଇଛି।
ଆରଜେଡି ୧୪୪, କଂଗ୍ରେସ ୭୦ ଏବଂ ବାମ ୨୯ ଟି ଆସନରେ ନିର୍ବାଚନ ଲଢ଼ିବେ। ଏହାର ଆନୁଷ୍ଠାନିକ ଘୋଷଣା କରାଯାଇଛି। ପାଟନାରେ ଏକ ସାମ୍ବାଦିକ ସମ୍ମିଳନୀରେ ମହାଗଠବନ୍ଧନର ନେତାମାନେ ଏହା ଘୋଷଣା କରିଛନ୍ତି। ଏଥିରେ ମହାଗଠବନ୍ଧନର ସମସ୍ତ ଦଳର ପ୍ରତିନିଧୀ ଉପସ୍ଥିତ ଥିଲେ। ଆରଜେଡି, କଂଗ୍ରେସ, ସିପିଆଇ (ଏମଏଲ), ସିପିଆଇ, ସିପିଏମ୍ ଏବଂ ଭିଆଇପି ଏହି ମହାଗଠବନ୍ଧନର ଏକ ଅଂଶ।

ଏହି ସାମ୍ବାଦିକ ସମ୍ମିଳନୀରେ କଂଗ୍ରେସ ସ୍କ୍ରିନିଂ କମିଟିର ସଭାପତି ଅଭିନାଶ ପାଣ୍ଡେ କହିଛନ୍ତି ଯେ, କିଛି ଆଦର୍ଶଗତ ମତଭେଦ ସତ୍ତ୍ୱେ ଆରଜେଡି, କଂଗ୍ରେସ, ଭିଭିଆଇପି ଏବଂ ବାମପନ୍ଥୀ ଦଳ ଏକାଠି ହୋଇଛନ୍ତି। ୨୦୧୫ ରେ, ମହାଗଠବନ୍ଧନ ଜନସାଧାରଣଙ୍କ ସମର୍ଥନ ପାଇଥିଲା, କିନ୍ତୁ ଦୁର୍ଭାଗ୍ୟବଶତଃ ସେହି ସଂଖ୍ୟାଗରିଷ୍ଠତା ଅପହରଣ ହୋଇଥିଲା। ନୀତୀଶ କୁମାର ବିଜେପି ସହିତ ପରେ ସରକାର ଗଠନ କରିଥିଲେ। ଜନସାଧାରଣ ସେମାନଙ୍କୁ କ୍ଷମା କରିବେ ନାହିଁ। ସେ କହିଛନ୍ତି ଯେ ତେଜସ୍ୱୀ ଯାଦବଙ୍କ ନେତୃତ୍ୱରେ ମହାଗଠବନ୍ଧନ ନିର୍ବାଚନ ଲଢ଼ିବ।

ଏଥି ସହିତ ଆରଜେଡି ନେତା ତେଜସ୍ୱୀ ଯାଦବ କହିଛନ୍ତି ଯେ ଯଦି ବିହାରର ଲୋକମାନେ ସୁଯୋଗ ଦିଅନ୍ତି, ତେବେ ମୁଁ ସେମାନଙ୍କ ସମ୍ମାନ ରକ୍ଷା କରିବି। ଆମେ ସାଧାରଣ ବିହାରୀ। ପ୍ରତିଜ୍ଞା କରି ପୂରଣ କରୁ। ସେ କହିଥିଲେ ଯେ ମୋର ଡିଏନ୍ଏ ମଧ୍ୟ ଶୁଦ୍ଧ ଅଟେ।

୨୦୧୫ ବିଧାନସଭା ନିର୍ବାଚନ
୨୦୧୫ ବିଧାନସଭା ନିର୍ବାଚନରେ RJD ୧୦୧, JDU ୧୦୧ ଏବଂ କଂଗ୍ରେସ ୪୧ ଟି ଆସନରେ ପ୍ରତିଦ୍ୱନ୍ଦ୍ୱିତା କରିଥିଲେ।
ଜେଡିୟୁ ସେତେବେଳେ ମହାଗଠବନ୍ଧନର ଅଂଶବିଶେଷ ଥିଲା, କିନ୍ତୁ ଏହି ନିର୍ବାଚନରେ ଏହା ପୁରୁଣା ସହଯୋଗୀ ବିଜେପି ସହିତ ଅଛି ଏବଂ ଏନଡିଏର ଏକ ଗୁରୁତ୍ୱପୂର୍ଣ୍ଣ ଅଂଶ ଅଟେ।
ବିହାର ସିଏମ ନୀତୀଶ କୁମାରଙ୍କ ନେତୃତ୍ୱରେ ଏନଡିଏ ଏଥର ନିର୍ବାଚନ ଲଢ଼ିବ।
୨୦୧୫ ରେ, ମହାଗଠବନ୍ଧନ ୧୭୮ ଟି ସିଟ୍ ଜିତିଥିଲା।

୨୦୧୫ ବିଧାନସଭା ନିର୍ବାଚନରେ ମହାଗଠବନ୍ଧନ ବିଜୟ ହାସଲ କରିଥିଲା। ୨୪୩ ସିଟ୍ ବିହାର ବିଧାନସଭାରେ ମହାଗଠବନ୍ଧନ ୧୭୮ ଟି ସିଟ୍ ଜିତିଥିଲା। ବିହାରର ନୂତନ ମୁଖ୍ୟମନ୍ତ୍ରୀ ଭାବରେ ନୀତୀଶ କୁମାର ନିର୍ବାଚିତ ହୋଇଥିଲେ। ତେବେ ନିର୍ବାଚନର ଦୁଇ ବର୍ଷ ପରେ ଜେଡିୟୁ ମହାଗଠବନ୍ଧନରୁ ବିଭାଜିତ ହୋଇ ବିଜେପି ସହ ହାତ ମିଳାଇଥିଲା।

ବିହାରରେ ତିନିଟି ପର୍ଯ୍ୟାୟରେ ନିର୍ବାଚନ

ତିନୋଟି ପର୍ଯ୍ୟାୟରେ ବିହାରରେ ବିଧାନସଭା ନିର୍ବାଚନ ହେବ। ପ୍ରଥମ ପର୍ଯ୍ୟାୟ ଅକ୍ଟୋବର ୨୮ ରେ, ଦ୍ୱିତୀୟ ପର୍ଯ୍ୟାୟ ନଭେମ୍ବର ୩ ରେ ଏବଂ ତୃତୀୟ ପର୍ଯ୍ୟାୟ ନଭେମ୍ବର ୭ ରେ ଭୋଟ୍ ଗ୍ରହଣ ହେବ। ୧୦ ନଭେମ୍ବରରେ ନିର୍ବାଚନ ଫଳାଫଳ ଘୋଷଣା କରାଯିବ।

Loading...
ad
Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

To Top