ନୂଆ ଦିଲ୍ଲୀ ୧୮-୯ (ଓଡ଼ିଆ ପୁଅ) ପେଟିଏମ୍ ଗୁଗୁଲ୍ ପ୍ଲେରୁ ହଟାଇ ଦିଆଯାଇଥିଲା। କିନ୍ତୁ ୨୪ ଘଣ୍ଟା ନ ପୂରୁଣୁ ଗୁଗୁଲ୍ ପ୍ଲେ ଷ୍ଟୋରକୁ ଫେରି ଆସିଛି ପେଟିଏମ୍ ଆପ୍। ଏ ନେଇ ପେଟିଏମ୍ ସଂସ୍ଥାପକ ଟ୍ୱିଟ କରି ସୂଚନା ଦେଇଛନ୍ତି। ସେ ଲେଖିଛନ୍ତିଯେ,
“ଆପଣଙ୍କର ସମର୍ଥନ ପାଇଁ ସମସ୍ତଙ୍କୁ ଧନ୍ୟବାଦ। ପେଟିଏମ୍ ଆପ୍ ଫେରିଛି, ପ୍ଲେ ଷ୍ଟୋରରେ ଅଛି।
ଆଜି ସକାଳେ ଆମେ ଏକ UPI କ୍ୟାଶବ୍ୟାକ୍ ଅଭିଯାନ ଆରମ୍ଭ କରିଥିଲୁ। ଆମର ଆପ୍ ଏଥିପାଇଁ ଗୁଗୁଲ୍ ଦ୍ୱାରା ନିଲମ୍ବିତ ହେଲା।
ଭାରତ, ଆପଣ ସ୍ଥିର କରନ୍ତୁ ଯେ, ନଗଦ ଫେରସ୍ତ କରିବା ଜୁଆ ଅଟେ କି?”
ସୂଚନାଯୋଗ୍ୟଯେ, ପେଟିଏମ୍ ଗୁଗୁଲ୍ ପ୍ଲେରୁ ହଟାଇ ଦିଆଯାଇଥିଲା। କମ୍ପାନୀ ନିଶ୍ଚିତ କରିଥିଲା ଯେ, ଏହାର ଅପସାରଣ ପଛର କାରଣ ହେଉଛି ଗୁଗୁଲ ପ୍ଲେ ଷ୍ଟୋର ନୀତି ଉଲ୍ଲଂଘନ। ପେଟିଏମ୍ କମ୍ପାନୀ ଦ୍ୱାରା ଆପରେ ଫାଣ୍ଟାସି କ୍ରିକେଟ୍ ଟୁର୍ନାମେଣ୍ଟକୁ ଯୋଡ଼ିବା। ଅବଶ୍ୟ ଆଇଓଏସ୍ ପାଇଁ ପେଟିଏମ୍ ଆପ୍ ଆପଲ୍ ଆପ୍ ଷ୍ଟୋର୍ମାଧ୍ୟମରେ ଡାଉନଲୋଡ୍ ପାଇଁ ଉପଲବ୍ଧ ଥିଲା। ପେଟିଏମ୍ ଆପ୍ ବ୍ୟତୀତ ଗୁଗୁଲ୍ ପ୍ଲେ ଷ୍ଟୋର ମଧ୍ୟ ଏହାର ଷ୍ଟୋରରୁ ପେଟିଏମ୍ ଫାଷ୍ଟ ଗେମ୍ସ ଆପ୍ ହଟାଇ ଦେଇଥିଲା। ଯେଉଁଥିରେ ସମାନ ପାଣ୍ଟାସି କ୍ରିକେଟ୍ ପିଟର ଅନ୍ତର୍ଭୂକ୍ତ ହୋଇଛି, କିନ୍ତୁ ପ୍ରକୃତରେ ଏହା କ୍ରିକେଟ୍ ବେଟିଂ ସହିତ ସଂସ୍ଲିଷ୍ଟ।
ଏହାପୂର୍ବରୁ ଶୁକ୍ରବାର ଦିନ ଗୁଗୁଲ ଏକ ବ୍ଲଗ ପୋଷ୍ଟ କରିଥିଲା ଯେଉଁଥିରେ ଗ୍ୟାମ୍ବଲିଂ (ଜୁଆ ଖେଳ) ନୀତି ବିଷୟରେ କମ୍ପାନୀ ବିସ୍ତୃତ ଭାବରେ ଏହି ବ୍ଲଗ୍ ପୋଷ୍ଟରେ ଲେଖିଥିଲା, ଯାହା ଆପ୍ ଡେଭଲପର୍ମାନଙ୍କୁ ଖେଳ ବେଟିଂ କରିବାକୁ ପ୍ରଶୟ ଦେଇନଥାଏ। ନିକଟରେ ଘୋଷିତ ପାଣ୍ଟାସି କ୍ରିକେଟ୍ ଟୁର୍ନାମେଣ୍ଟ ମାଧ୍ୟମରେ ପେଟିଏମ୍ ଦ୍ୱାରା ଏହା ଏକ ଫିଚର ଥିଲା ଏବଂ ଶେଷରେ ଗୁଗୁଲ ଏହାର ପ୍ଲାଟଫର୍ମରୁ ଆପ୍ କୁ ହଟାଇ ଦେଇଥିଲା।
ଗୁଗୁଲ ଏହାର ବ୍ଲଗ୍ ପୋଷ୍ଟରେ କହିଛି ଯେ, ଆମେ ଅନଲାଇନ୍ କାସିନୋକୁ ଅନୁମତି ଦେଉ ନାହୁଁ କିମ୍ବା କୌଣସି ଅନିୟମିତ ଜୁଆ ଖେଳକୁ ସମର୍ଥନ କରୁ ନାହୁଁ, ଯାହା ସ୍ପୋର୍ଟ୍ସ ବେଟିଂ ପ୍ରଦାନ କରିଥାଏ। ଏହା ଅନ୍ତର୍ଭୂକ୍ତ କରେ ଯେ, ଯଦି ଏକ ଆପ୍ ଉପଭୋକ୍ତାମାନଙ୍କୁ ଏକ ବାହ୍ୟ ୱେବସାଇଟ୍ କୁ ନେଇଥାଏ, ଯାହା ସେମାନଙ୍କୁ ପ୍ରକୃତ ଟଙ୍କା କିମ୍ବା ନଗଦ ପୁରସ୍କାର ଜିତିବା ପାଇଁ ଦିଆଯାଇଥିବା ଟୁର୍ନାମେଣ୍ଟରେ ଅଂଶଗ୍ରହଣ କରିବାକୁ ଅନୁମତି ଦେଇଥାଏ, ଏହା ଆମର ନୀତିର ଉଲ୍ଲଂଘନ ଅଟେ। ” ପେଟିଏମ୍ ଆପ୍ ହଟାଇବାର ଏହା ହେଉଛି କାରଣ ବୋଲି କମ୍ପାନୀ ନିଶ୍ଚିତ କରିଛି।
କିନ୍ତୁ, ଗୁଗୁଲ୍ ଷ୍ଟୋରରେ ପେଟିଏମ୍ ଫର୍ ବିଜନେସ୍, ପେଟିଏମ୍ ମଲ୍, ପେଟିଏମ୍ ମନି ଭଳି ଆପ୍ ଅକ୍ଷୁର୍ଣ୍ଣ ରହିଥିଲା।
ଏହା ପରେ ପେଟିଏମ୍ ତରଫରୁ ଟ୍ୱିଟ୍ କରି ସୂଚନା ଦିଆଯାଇଥିଲାଯେ, ପ୍ରିୟ ପେଟିଏମ୍ ବ୍ୟବହାରକାରୀ, ଗୁଗୁଲ୍ ପ୍ଲେ ଷ୍ଟୋରରୁ ଡାଉନଲୋଡ୍ ଏବଂ ଅପଡେଟ୍ ପାଇଁ ପେଟିଏମର ଆଣ୍ଡ୍ରଏଡ୍ ଆପ୍ ବର୍ତ୍ତମାନ ଉପଲବ୍ଧ ନୁହେଁ। ଖୁବ୍ ଶୀଘ୍ର ଏହି ସମସ୍ୟା ଦୂର ହୋଇଯିବ। ଆପଣଙ୍କର ସମସ୍ତ ଟଙ୍କା ସୁରକ୍ଷିତ ଅଛି। ଯଦି ଆପଣଙ୍କର ପୂର୍ବରୁ ପେଟିଏମ୍ ଆପ୍ ଅଛି ତେବେ ଆପଣ ସେବାକୁ ଉପଭୋଗ କରିବା ଜାରି ରଖିବେ।
