Home Top News ନନ୍ଦିଗ୍ରାମ ରିଟର୍ଣ୍ଣିଂ ଅଫିସର ଜୀବନ ପାଇଁ ଭୟ କରୁଥିବାରୁ ପୁନଃ ଗଣନା କରିବାକୁ ନିର୍ଦ୍ଦେଶ ଦେଇନାହାଁନ୍ତି...

ନନ୍ଦିଗ୍ରାମ ରିଟର୍ଣ୍ଣିଂ ଅଫିସର ଜୀବନ ପାଇଁ ଭୟ କରୁଥିବାରୁ ପୁନଃ ଗଣନା କରିବାକୁ ନିର୍ଦ୍ଦେଶ ଦେଇନାହାଁନ୍ତି : ମମତା ବାନାର୍ଜୀ

28

ନୂଆଦିଲ୍ଲୀ ୩-୫ (ଓଡ଼ିଆ ପୁଅ) ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ, ଯିଏକି ବଙ୍ଗଳାରେ ତୃଣମୂଳ କଂଗ୍ରେସ ମୁଖ୍ୟ ଏବଂ ପଶ୍ଚିମବଙ୍ଗରେ ତୃଣମୂଳ ସଂଖ୍ୟାଗରିଷ୍ଠତା ହାସଲ କରିଛି। କିନ୍ତୁ ନନ୍ଦିଗ୍ରାମ ନିର୍ବାଚନରେ ସେ ତାଙ୍କର ପୂର୍ବତନ ସହଯୋଗୀ ତଥା ବର୍ତ୍ତମାନର ପ୍ରତିଦ୍ୱନ୍ଦ୍ୱୀ-ବିଜେପି ପ୍ରାଥୀ, ଶୁଭେନ୍ଦୁ ଅଧିକାରୀଙ୍କଠାରୁ ହାରିଯାଇଛନ୍ତି। ଏହି ନିର୍ବାଚନମଣ୍ଡଳୀରେ ଗଣନାକୁ ତଦାରଖ କରୁଥିବା ରିଟର୍ଣ୍ଣିଂ ଅଫିସରଙ୍କୁ ଧମକ ଦିଆଯାଇଛି ବୋଲି ସେ କହିଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, ଜୀବନ ପ୍ରତି ଭୟ ଥିବାରୁ ରିଟର୍ଣ୍ଣିଂ ଅଫିସର ଭୋଟର ପୁନଃ ଗଣନା କରିବାକୁ ନିର୍ଦ୍ଦେଶ ଦେଇନାହାଁନ୍ତି।

ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ମମତା ବାନାର୍ଜୀ ନିଶ୍ଚିତ କରିଛନ୍ତି ଯେ, ସେ ନିର୍ବାଚନମଣ୍ଡଳୀରେ ନିର୍ବାଚନ ଫଳାଫଳକୁ ନେଇ କୋର୍ଟର ଦ୍ୱାରସ୍ଥ ହେବେ।

ମମତା ବାନାର୍ଜୀ ଆରଓଙ୍କ ଠାରୁ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟରେ ଥିବା ଜଣେ ଅଧିକାରୀଙ୍କ ନିକଟକୁ ଯାଇଥିବା ଏକ ଏସଏମଏସ ସାର୍ବଜନୀନ କରିଥିଲେ। ଯେଉଁଠାରେ ସେ ଯଦି ପୁନଃ ଗଣନା କରିବାକୁ ନିର୍ଦ୍ଦେଶ ଦିଅନ୍ତି ତେବେ ସେ ଭୟଙ୍କର ପରିଣାମ ଭୋଗିବେ, ଏପରିକି ସେ ଆତ୍ମହତ୍ୟା କରିବା ପଦକ୍ଷେପ ନେବେ ବୋଲି ସେ ଉକ୍ତ ଏସ୍‌ଏମ୍‌ଏସ୍‌ରେ ଉଲ୍ଲେଖ କରିଥିବା କଥା ଗଣମାଧ୍ୟମ ଆଗରେ କହିଛନ୍ତି ମମତା।

ସେ କହିଛନ୍ତି, “ଆନୁଷ୍ଠାନିକ ଭାବେ ଘୋଷଣା କରିବା ପରେ ଇସି କିପରି ନନ୍ଦିଗ୍ରାମ ଫଳାଫଳକୁ ଓଲଟାଇ ପାରିବ? ଆମେ ଏହା ବିରୋଧରେ କୋର୍ଟର ଦ୍ୱାରସ୍ଥ ହେବୁ।”

ସେ ଆହୁରି ମଧ୍ୟ କହିଛନ୍ତି, “ସର୍ଭର କାହିଁକି ଚାରି ଘଣ୍ଟା ପାଇଁ ଡାଉନ୍‌ ହେଲା। ? ଆମେ ଲୋକଙ୍କ ଆଦେଶ ଗ୍ରହଣ କରିବାକୁ ଇଚ୍ଛୁକ କିନ୍ତୁ ଯଦି ଗୋଟିଏ ସ୍ଥାନର ଫଳାଫଳ ଅସନ୍ତୁଷ୍ଟ ହୁଏ, ଯାହା ଦେଖାଯାଏ ତା’ଠାରୁ ଅଧିକ କିଛି ହୋଇପାରେ। ଆମକୁ ସତ୍ୟ ଖୋଜିବାକୁ ପଡିବ।”

ନିର୍ବାଚନ ଆୟୋଗକୁ ଟାରଗେଟ୍‌ କରିଛନ୍ତି ମମତା। ସେ ଦାବି କରିଛନ୍ତି ଯେ, ଯଦି ପୋଲ୍ ପ୍ୟାନେଲ୍ ସାହାଯ୍ୟ ନକରିଥାନ୍ତା ତେବେ ବିଜେପି ୫୦ରୁ ଅଧିକ ଆସନ ଅତିକ୍ରମ କରି ନଥାନ୍ତା।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.