ଭଦ୍ରକ, ୧୮ା୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ମଞ୍ଜୁରୀରୋଡ ଫାଣ୍ଡି ଅନ୍ତର୍ଗତ ଅେଇବେହେରା ଗ୍ରାମର ଚନ୍ଦ୍ରକାନ୍ତ ବେହେରାଙ୍କ ୭ ବର୍ଷର ଶିଶୁପୁତ୍ରକୁ ପୁଲିସ ଚାନ୍ଦବାଲିରୁ ଉଦ୍ଧାର କରିଛି । ପାରିବାରିକ କଳହରୁ ଶିଶୁକୁ ନିଖୋଜ କରାଯାଇଥିବା ଜଣାଯାଇଛି । ଶନିବାର ସନ୍ଧ୍ୟା ୫ ଟାରୁ ନିଖୋଜ ହୋଇଥବବା ନେଇ ଫାଣ୍ଡିରେ ଅଭିଯୋଗ ହୋଇଥିଲା । ଅଭିଯୋଗ ମିଳିବା ପରେ ଥାନାଧିକାରୀ ଅଜୟ ସୁଦର୍ଶନ ବାଗେ ଓ ଫାଣ୍ଡି ଅଧିକାରୀ ବୈରାଗୀ ଚରଣ ଏକ୍କା ତତ୍ପରତା ପ୍ରକାଶ କରି ପୁଲିସ ଦଳଙ୍କୁ ଶିଶୁ ଉଦ୍ଧାର ପାଇଁ ନିୟୋଜିତ କରିଥିଲେ । ଶିଶୁକୁ ଚାନ୍ଦବାଲିରୁ ଉଦ୍ଧାର କରାଯାଇ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିବା ଜଣାଯାଇଛି । ଘଟଣାରେ ପରିବାର ଲୋକ ସଂପୃକ୍ତି ଥିବାରୁ ମାମଲା ଋଜୁ ହୋଇନଥିଲା ।
