ଭଦ୍ରକ, ୧୨ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – କତାର ଠାରେ ଅନୁଷ୍ଠିତ ହେବାକୁ ଥିବା ଫୁଟବଲ ୱାର୍ଲଡ କପ୍ର ସେମିଫାଇନାଲ ଓ ଫାଇନାଲ ଦେଖିବା ପାଇଁ ଓଡ଼ିଶା ଫୁଟବଲ ଆସୋସିଏସନ ୨ଜଣ ବିଶେଷଜ୍ଞଙ୍କୁ ପଠାଇଛି। ଉକ୍ତ ୨ଜଣଙ୍କ ମଧ୍ୟରେ ଭଦ୍ରକ ଜିଲ୍ଲା କ୍ରିକେଟ ଆସୋସିଏସନ ଓ ଆଥ୍ଲେଟିକ୍ ଆସୋସିଏସନର ସମ୍ପାଦକ ତଥା ଓଡ଼ିଶା କ୍ରିକେଟ ଆସୋସିଏସନର ପୂର୍ବତନ ଅଧ୍ୟକ୍ଷ ଧିରେନ ପଲାଇ ମନୋନୀତ ହୋଇଛନ୍ତି। ତାଙ୍କ ମନୋନୟନକୁ ନେଇ ଜିଲ୍ଲା କ୍ରୀଡ଼ାପ୍ରେମୀଙ୍କ ମଧ୍ୟରେ ଆନନ୍ଦ ପ୍ରକାଶ ପାଇବା ସହ ଜିଲ୍ଲା ଆଥ୍ଲେଟିକ୍ ଆସାସିଏସନ, ଜିଲ୍ଲା କ୍ରିକେଟ ଆସୋସିଏସନର ସମସ୍ତ କର୍ମକର୍ତ୍ତା ସଦସ୍ୟ, ଖେଳାଳୀମାନେ ତାଙ୍କୁ ଶୁଭେଚ୍ଛା ଜ୍ଞାପନ କରିଛନ୍ତି।
