ନୂଆ ଦିଲ୍ଲୀ ୧୩-୫ (ଓଡ଼ିଆ ପୁଅ) ଶୁକ୍ରବାର ଦିନ ପଶ୍ଚିମ ଦିଲ୍ଲୀର ମୁଣ୍ଡକା ମେଟ୍ରୋ ଷ୍ଟେସନ ନିକଟରେ ଥିବା ଏକ କୋଠାରେ ଅଗ୍ନିକାଣ୍ଡରେ ଅତି କମରେ ୨୬ ଜଣଙ୍କର ମୃତ ଦେହ ଉଦ୍ଧାର କରାଯାଇଛି। ଏ ନେଇ ଦିଲ୍ଲୀ ଅଗ୍ନିଶମ ବିଭାଗର ଡେପୁଟି ଚିଫ୍ ଅଗ୍ନିଶମ ଅଧିକାରୀ ସୁନୀଲ ଚୌଧରୀ ପ୍ରକାଶ କରିଛନ୍ତି।
ଅଗ୍ନିଶମ ବିଭାଗର ଅଧିକାରୀ କହିଛନ୍ତି ଯେ ଅଧିକ ଲୋକ ଫଶି ରହିଯିବାରୁ ଏହି ସଂଖ୍ୟା ବଢ଼ିପାରେ ଏବଂ ଉଦ୍ଧାର କାର୍ଯ୍ୟ ଚାଲିଛି।
ମୁଣ୍ଡକା ମେଟ୍ରୋ ଷ୍ଟେସନର ୫୪୪ ସ୍ତମ୍ଭ ନିକଟରେ ଏହି ଅଗ୍ନିକାଣ୍ଡ ଦେଖିବାକୁ ମିଳିଛି। ପ୍ରାରମ୍ଭରେ ଅଗ୍ନିକାଣ୍ଡକୁ ଆୟତ୍ତ କରିବା ପାଇଁ ୧୦ ଟି ଦମକଳଗାଡ଼ି ଉକ୍ତ ସ୍ଥାନକୁ ପଠାଯାଇଥିଲା। ପରେ, ନିଆଁକୁ ନିୟନ୍ତ୍ରଣକୁ ଆଣିବା ପାଇଁ ଆଉ ୧୪ ଟି ଦମକଳ ଗାଡ଼ି ପଠାଯାଇଛି।
ଶୁକ୍ରବାର ଦିନ ପଶ୍ଚିମ ଦିଲ୍ଲୀର ମୁଣ୍ଡକା ମେଟ୍ରୋ ଷ୍ଟେସନ ନିକଟରେ ଥିବା ଏକ ତିନିମହଳା ବିଶିଷ୍ଟ ବ୍ୟବସାୟୀକ ପ୍ରତିଷ୍ଠାନ ଅଗ୍ନିକାଣ୍ଡ ଘଟିଥିଲା। ବର୍ତ୍ତମାନ ନିଆଁକୁ ଆୟତ୍ତ କରାଯାଇଛି ଏବଂ କୁଲିଂ କାର୍ଯ୍ୟ ଚାଲୁ ରହିଛି। ଅଗ୍ନିଶମ ବିଭାଗର ଅଧିକାରୀ କହିଛନ୍ତି ଯେ ଅଧିକ ଲୋକ ଫସିରେଥିବାରୁ ଏହି ସଂଖ୍ୟା ବଢ଼ିପାରେ ଏବଂ ଉଦ୍ଧାର କାର୍ଯ୍ୟ ଚାଲିଛି।
ନିଆଁକୁ ଆୟତ୍ତ କରିବା ପାଇଁ ୨୪ ଟି ଦମକଳ ଘଟଣାସ୍ଥଳରେ ଅଛି। ଦିଲ୍ଲୀ ଅଗ୍ନିଶମ ସେବା (DFS) ର ଅଧିକାରୀମାନେ କହିଛନ୍ତି ଯେ ଅପରାହ୍ନ ୪.୪୦ ରେ ଅଗ୍ନିକାଣ୍ଡ ଘଟିଥଲା।
ଦିଲ୍ଲୀ ପୋଲିସ କହିଛି ଯେ ପ୍ରାଥମିକ ଅନୁସନ୍ଧାନରେ ଏହା ଜାଣିବାକୁ ପାଇଛି ଯେ ପ୍ରଭାବିତ କୋଠାଟି ସାଧାରଣତଃ ବ୍ୟବସାୟିକ ଉଦ୍ଦେଶ୍ୟରେ ବ୍ୟବହାର କରାଯାଇଥାଏ ଯେପରିକି କମ୍ପାନୀଗୁଡିକ ପାଇଁ ଅଫିସ୍ ସ୍ଥାନ ପ୍ରଦାନ କରିଥାଏ।
ଜଣେ ପୋଲିସ ଅଧିକାରୀ କହିଛନ୍ତି, “ବିଲ୍ଡିଂର ପ୍ରଥମ ମହଲାରୁ ନିଆଁ ଲାଗିଥିଲା ଯାହାକି ଏକ ସିସିଟିଭି କ୍ୟାମେରା ଏବଂ ରାଉଟର ଉତ୍ପାଦନକାରୀ କମ୍ପାନୀର କାର୍ଯ୍ୟାଳୟ ଅଟେ। ଫାର୍ମର ମାଲିକଙ୍କୁ ଗିରଫ କରାଯାଇଥିବା ପୋଲିସ କହିଛି।
