ଭଦ୍ରକ, ୩ା୩ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ଅନ୍ତର୍ଗତ କୁଲଣା ଗ୍ରାମର ଆନ୍ତର୍ଜାତୀୟ ଭିନ୍ନକ୍ଷମ କ୍ରୀଡାବିତ୍ ରାଖାଲ ମହାନ୍ତିଙ୍କୁ ଜିଲ୍ଲା ପ୍ରଶାସନ ପକ୍ଷରୁ ଆଜି ସମ୍ବର୍ଦ୍ଧନା ପ୍ରଦାନ କରାଯାଇଛି। ଭୁବନେଶ୍ୱର ରେଳବାଇ ଇନଡୋର ଷ୍ଟାଡିଅମରେ ଚଳିତ ମାସ ଅନୁଷ୍ଠିତ ୧୪ତମ ଜାତୀୟ ହୁଇଲ ଚେୟାର ଫ୍ୟାନସିଂ ଚାମ୍ପିଅନସିପରେ ରାଖାଲ ବ୍ୟକ୍ତିଗତ ଭାବେ ଗୋଟିଏ ସ୍ୱର୍ଣ୍ଣ ଓ ଦୁଇଟି ରୋପ୍ୟ ପଦକ ହାସଲ କରିଥିଲେ। ଆଜି ଏହି ଉପଲକ୍ଷେ ଜିଲ୍ଲାପାଳଙ୍କ ଆବାସିକ କାର୍ଯ୍ୟାଳୟରେ ରାଖାଲଙ୍କୁ ଜିଲ୍ଲାପାଳ ତ୍ରିଲୋଚନ ମାଝୀ, କ୍ରୀଡା ଅଧିକାରୀ ପଦ୍ମନ ରାୟ, ସାମାଜିକ ସୁରକ୍ଷା ଅଧିକାରୀ ସୁରେନ୍ଦ୍ର ଗୋମଙ୍ଗ, ନେୟୀଶୋଚ ସଙ୍ଗଠନ ସମ୍ପାଦକ ଜ୍ୟୋତିରଞ୍ଜନ ନାୟକ ପ୍ରମୁଖ ସମ୍ବର୍ଦ୍ଧିତ କରିଥିଲେ।
