କୋରାପୁଟ ୨୧-୧୦(ଓଡିଆ ପୁଅ /ରଂଜନ ଦାସ)କୋରାପୁଟ ପୋଲିସ ପ୍ୟାରେଡ ପଡିଆଠାରେ ୬୨ ତମ ପୋଲିସ ସହୀଦ ଦିବସ ପାଳିତ ହୋଇଯାଇଛି । କୋରାପୁଟ ଏସପି ବରୁଣ ଗୁଣ୍ଠାପାଲିଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ଦକ୍ଷିଣ-ପଶ୍ଚିମାଂଚଳ ଡିଆଇଜି ରାଜେଶ ପଣ୍ଡିତ ମୁଖ୍ୟ ଅତିଥିଭାବେ ଯୋଗଦେଇଥିଲେ । । ସହୀଦ ପୋଲିସ କର୍ମଚାରୀଙ୍କ ପରିବାରକୁ ଜିଲ୍ଲା ପୋଲିସ ପକ୍ଷରୁ ସମବେଦନା ଜଣାଇବା ସହ ବିଭାଗ ସେମାନଙ୍କ ସହ ସବୁବେଳେ ରହି ଆସିଛି ବୋଲି ସହୀଦ ପୋଲିସ କର୍ମଚାରୀଙ୍କ ପରିବାରଜନଙ୍କୁ ଡିଆଇଜି ରାଜେଶ ପଣ୍ଡିତ ଆଶ୍ୱାସନା ଦେଇଥିଲେ । ବିଭିନ୍ନ ସମୟରେ ସହୀଦ ହୋଇଥିବା ଓ ମହାମାରୀ କରୋନା ସମୟରେ ଲୋକଙ୍କୁ ସେବା ପ୍ରଦାନ କରି କରୋନାରେ ଆକ୍ରାନ୍ତ ହୋଇ ମୃତ୍ୟୁବରଣ କରିଥିବା ସହୀଦମାନଙ୍କୁ ପୁଷ୍ଟଗୁଛ ଦେଇ ଶ୍ରଦ୍ଧାଞଳି ଅର୍ପଣ କରାଯାଇଥିଲା ା କାର୍ଯ୍ୟକ୍ରମରେ ଆଇପିଏସ ପ୍ରୋବେସେନାରୀ ରାଘଭେନ୍ଦ୍ର, ଅତିରିକ୍ତ ଏସପି ଉତ୍କଳ କେଶରୀ ଦାସ ଓ ବି.କେ.ବ୍ରହ୍ମା,କୋରାପୁଟ ଅତିରିକ୍ତ ଜିଲ୍ଲାପାଳ ରାଜେନ୍ଦ୍ର ମାଝି ,କୋରାପୁଟ ଉପଜିଲ୍ଲାପାଳ ଲଲିତ କୁମାର କହଁର ,ପୋଲିସ ଆରଆଇ ସୁବାସ ଚନ୍ଦ୍ର ନାୟକ ପ୍ରମୁଖଙ୍କ ସହ ଜିଲ୍ଲାର ସମସ୍ତ ପୋଲିସ ଅଧିକାରୀ ଓ ସହୀଦ ପରିବାରର ସଦସ୍ୟ ଉପସ୍ଥିତ ରହି ଶ୍ରଦ୍ଧାଞଳି ଜଣାଇଥିଲେ ।
