ଯେତେବେଳେ ଦେଖା ହେଲୁ ଭୁବନେଶ୍ୱରରେ
ପରିପୂର୍ଣ ଥିଲୁ ତୁହି ପାଶ୍ଚାତ୍ୟ ସଭ୍ୟତାରେ ॥
ଗାଁ ଗହଳିରୁ ସିନା ମୋର ଜନ୍ମ
ଜାଣିଥିଲି କିନ୍ତୁ ମୁଁ ସଂସ୍କୃତି ଆଉ ଧର୍ମ ॥
କଥା ତୋର ଥିଲା ଅତି ଉନ୍ନତ
କେତେ ପିଲାଙ୍କୁ କରିଥିଲୁ ଆୟତ୍ ॥
ଯେଉଁ ଦିନ ପଡିଗଲି ତୋରି ମାୟାରେ
ମନ ଲାଗିଲାନି ମୋର ପାଠ ପଢ଼ାରେ ॥
ପ୍ରତିଦିନ ସନ୍ଧ୍ୟାରେ ଦେଖା ହଉଥିଲା
ଟିଫିନ ଖର୍ଚ୍ଚ ଟା ମୋତେ ବେଶି ବାଧୁଥିଲା ॥
ଚିକେନ୍ ରୋଲ୍, ମାଛ ବଲ୍ ସବୁ ଖାଉଥିଲୁ
ପଇସା ଦେବାକୁ କିନ୍ତୁ ଭୁଲିଯାଉଥିଲୁ ॥
ଧନୀ ଘର ପିଲା ପରି କଥା କହୁଥିଲୁ
ମୋ ଠାରୁ ଟଙ୍କା ନେଇ ଖର୍ଚ୍ଚ କରୁଥିଲୁ ॥
ତୋ ଖୁସି ପାଇଁ ସିନା ବ୍ୟୟ କରୁଥିଲି
ମୁଁ କିନ୍ତୁ ବେଳେ ବେଳେ ଚୁଡା ଖାଉଥିଲି ॥
ଯେତିକି ଟଙ୍କା ତୋ ପାଇଁ କରିଥିଲି ବ୍ୟୟ
ସେ କଥା ଭାବିଲା ବେଳକୁ ମୋର ମନ ଅଥୟ ॥
ଡ. ଗଣେଶ ଚନ୍ଦ୍ର କୁଣ୍ଡ
ପଟାମୁଣ୍ଡାଇ, କେନ୍ଦ୍ରାପଡା
