ଲକ୍ଷ୍ନୌ ୪-୧୦ (ଓଡ଼ିଆ ପୁଅ) ଉତ୍ତରପ୍ରଦେଶର ପିଲିଭିତର ସାଂସଦ ବରୁଣ ଗାନ୍ଧୀ ତାଙ୍କ ଟ୍ୱିଟର ଆକାଉଣ୍ଟର ବାୟୋରୁ “ଭାଜପା” ଶବ୍ଦକୁ ହଟାଇ ଦେଇଛନ୍ତି। ସୂଚନାଯୋଗ୍ୟଯେ, ବରୁଣ ଗାନ୍ଧୀ ସୋମବାର ସକାଳେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଚିଠି ଲେଖି ଲଖୀପୁର ଖେରୀ ହିଂସା ମାମଲାରେ ସିବିଆଇ ତଦନ୍ତ ଦାବି କରିଛନ୍ତି ଏବଂ ପୀଡିତଙ୍କ ପରିବାରକୁ ପ୍ରତ୍ୟେକ କୋଟିଏ ଟଙ୍କା ଲେଖାଏଁ କ୍ଷତିପୂରଣ ଦାବି କରିଛନ୍ତି।
ଏହାପୂର୍ବରୁ ଯୋଗୀ ସରକାରଙ୍କ ଦ୍ୱାରା କ୍ୱିଣ୍ଟାଲ ପ୍ରତି ୩୫୦ ଟଙ୍କା ଆଖୁ ଘୋଷଣା କରିଥିବାରୁ ରାଜ୍ୟ ସରକାରଙ୍କୁ କୃତଜ୍ଞତା ଜଣାଇ ବିଜେପି ସାଂସଦ କହିଥିଲେ ଯେ ମୂଲ୍ୟ ଏବଂ ମୁଦ୍ରାସ୍ଫୀତି ଅନୁଯାୟୀ ଏହାକୁ ପୁନର୍ବିଚାର କରନ୍ତୁ ଏବଂ ୪୦୦ ଟଙ୍କା ଦର ଘୋଷଣା କରନ୍ତୁ।
ବିଜେପି ସାଂସଦ ବରୁଣ ଗାନ୍ଧୀ ସିଏମ୍ ଯୋଗୀଙ୍କୁ ଲେଖିଥିବା ଏକ ପତ୍ରରେ କହିଛନ୍ତି ଯେ ଲକ୍ଷ୍ମୀପୁର ଖେରୀରେ ବିରୋଧ ପ୍ରଦର୍ଶନ କରୁଥିବା କୃଷକମାନଙ୍କୁ ଦୟା ନକରି ହୃଦୟ ବିଦାରକ ଘଟଣା ସମଗ୍ର ଦେଶର ନାଗରିକଙ୍କ ମଧ୍ୟରେ ଅସନ୍ତୋଷ ଓ କ୍ରୋଧ ସୃଷ୍ଟି କରିଛି। ଏହି ଘଟଣାର ଗୋଟିଏ ଦିନ ପୂର୍ବରୁ ଦେଶ ଅହିଂସାର ପୂଜାରୀ ମହାତ୍ମା ଗାନ୍ଧୀଙ୍କ ଜନ୍ମ ବାର୍ଷିକୀ ପାଳନ କରିଥିଲା। ପରଦିନ ଲକ୍ଷ୍ମୀପୁର ଖେରୀରେ ଆମର ଅନ୍ନ ଦାତାଙ୍କୁ ହତ୍ୟା କରାଯାଇଥିବା ଘଟଣା କୌଣସି ସଭ୍ୟ ସମାଜରେ କ୍ଷମା ଯୋଗ୍ୟ ନୁହେଁ। ଆନ୍ଦୋଳନକାରୀ କୃଷକ ଭାଇମାନେ ଆମର ନିଜ ନାଗରିକ। ଯଦି କୃଷକ ଭାଇମାନେ କିଛି ସମସ୍ୟା ହେତୁ କଷ୍ଟ ଭୋଗୁଛନ୍ତି ଏବଂ ସେମାନଙ୍କର ଗଣତାନ୍ତ୍ରିକ ଅଧିକାର ଅଧୀନରେ ବିରୋଧ କରୁଛନ୍ତି, ତେବେ ଆମେ ସେମାନଙ୍କ ପ୍ରତି ଅତ୍ୟଧିକ ସଂଯମତା ଏବଂ ଧୈର୍ଯ୍ୟର ସହ ମୁକାବିଲା କରିବା ଉଚିତ୍
