କୋରାପୁଟ ୧୩-୦୪(ଓଡିଆ ପୁଅ /ରଂଜନ ଦାସ)କୋରାପୁଟ ଜିଲ୍ଲାର ପଛୁଆ ବର୍ଗ ଲୋକଙ୍କ ସାମାଜିକ ତଥା ଶିକ୍ଷାଗତ ସ୍ଥିତିର ସର୍ଭେ ନିମନ୍ତେ ସ୍ଥାନୀୟ ସଦଭାବନା ସଭାଗୃହଠାରେ ବ୍ଲକ ଓ ସହରାଂଚଳ ମାଷ୍ଟ୍ରର ପ୍ରଶିକ୍ଷକଙ୍କ ଦିନିକିଆ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ପ୍ରବୀର କୁମାର ନାୟକ ,ଡିପିଏମୟୁ ଉପନିର୍ଦ୍ଦେଶକ ସୂର୍ଯ୍ୟକାନ୍ତ ବେହେରା ,ଏଚଆରଏମଏସ ଡିସି ସଚ୍ଚିଦାନନ୍ଦ ସାମନ୍ତରାୟ ଓ ସହାୟକ ଜିଲ୍ଲାପାଳ ଡ. ଅଶୋକ କୁମାର କର୍ଣ୍ଣ ପ୍ରମୁଖ ଜିଲ୍ଲାସ୍ତରୀୟ ମାଷ୍ଟ୍ରର ପ୍ରଶିକ୍ଷକମାନେ ଯୋଗଦେଇ ଗୋଷ୍ଠି ଉନ୍ନୟନ ଅଧିକାରୀ , ସହରାଂଚଳ ଅଧିକାରୀ ଓଶିଶୁ ବିକାଶ ପ୍ରକଳ୍ପ ଅଧିକାରୀ ପ୍ରମୁଖ ମାଷ୍ଟ୍ରର ପ୍ରଶିକ୍ଷକଙ୍କୁ ତାଲିମ ପ୍ରଦାନ କରିଥିଲେ ।ଏହି କାର୍ଯ୍ୟକ୍ରମରେ କୋରାପୁଟ ଅତିରିକ୍ତ ଜିଲ୍ଲାପାଳ ଦେବେନ କୁମାର ପ୍ରଧାନ , କୋରାପୁଟ ଉପଜିଲ୍ଲାପାଳ ଲଲିତ କୁମାର କହଁର , ଜୟପୁର ଉପଜିଲ୍ଲାପାଳ ହେମକାନ୍ତ ସାଏ ପ୍ରମୁଖ ଉପସ୍ଥିତ ଥିଲେ ।ଜିଲ୍ଲାସ୍ତରର ୧୪ ଜଣ ଅଧିକାରୀ ଯେଉଁମାନେ ବ୍ଲକ ଓ ସହରାଂଚଳର ନୋଡାଲ ଅଧିକାରୀଭାବେ ନିଯୁକ୍ତି ପାଇଥିଲେ ସେମାନେ ମଧ୍ୟ ତାଲିମ କାର୍ଯ୍ୟକ୍ରମରେ ଯୋଗଦେଇଥିଲେ ।
