ନୂଆ ଦିଲ୍ଲୀ ୨୯-୧ (ଓଡ଼ିଆ ପୁଅ) ଆଜି ଏକ ସାମ୍ବାଦିକ ସମ୍ମିଳନୀରେ ରାହୁଲ ଗାନ୍ଧୀ କହିଛନ୍ତି ଯେ କୃଷକଙ୍କ ସହ କଥାବାର୍ତ୍ତା କରିବା ପରିବର୍ତ୍ତେ ସରକାର ସେମାନଙ୍କୁ ମାଡ ମାରୁଛନ୍ତି, ଧମକାଉଛନ୍ତି। ନୂତନ କୃଷି ନିୟମ କୃଷକମାନଙ୍କୁ ସମାପ୍ତ କରିବ। କୃଷକ ଆନ୍ଦୋଳନ ମଧ୍ୟରେ କଂଗ୍ରେସ ସଭାପତି ରାହୁଲ ଗାନ୍ଧୀ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ମୋଦି ସରକାର କଥାବାର୍ତ୍ତା କରିବା ପରିବର୍ତ୍ତେ ଚାଷୀଙ୍କୁ ମାଡ ମାରୁଛନ୍ତି। ସେ କୃଷକ ଆନ୍ଦୋଳନକାରୀଙ୍କୁ ନିବେଦନ କରି କହିଛନ୍ତିଯେ, ଯେ ସେ ଏକ ଇଞ୍ଚ ପଛକୁ ଫେରିବା ଉଚିତ ନୁହେଁ, ଆମେ ସମସ୍ତେ ତାଙ୍କ ସହ ଅଛୁ।
ଗଣତନ୍ତ୍ର ଦିବସରେ ଟ୍ରାକ୍ଟର ରାଲିରେ ହୋଇଥିବା ହିଂସା ବିଷୟରେ ରାହୁଲ ଗାନ୍ଧୀ ପ୍ରଶ୍ନ କରିଛନ୍ତିଯେ, ଉପଦ୍ରବୀମାନଙ୍କୁ ଲାଲ୍ କିଲ୍ଲା ଯିବାକୁ କିଏ ଅନୁମତି ଦେଲା? କାହିଁକି ରୋକାଗଲା ନାହିଁ? ଗୃହମନ୍ତ୍ରୀ କୁହନ୍ତୁ ଲାଲ୍ କିଲ୍ଲାକୁ ଯିବାକୁ କିଏ ସେମାନଙ୍କୁ ନିର୍ଦ୍ଦେଶ ଦେଇଥିଲା?
ସେ କହିଛନ୍ତି ଯେ ବର୍ତ୍ତମାନ ଏହି ଆନ୍ଦୋଳନ ସହରରୁ ଗାଁକୁ ଯିବ। “ମୁଁ କୃଷକମାନଙ୍କ ସହିତ ଅଛି। ପ୍ରଧାନମନ୍ତ୍ରୀ ଭାବନ୍ତୁ ନାହିଁ ଯେ ଏହି ଆନ୍ଦୋଳନ ଏଠାରେ ଶେଷ ହେବ।”
ଏହି ସମସ୍ୟାର ସମାଧାନ କରିବା ପରିବର୍ତ୍ତେ ଚାଷୀଙ୍କୁ ଗାଳିଗୁଲଜ କରାଯାଉଛି ଏବଂ ସରକାର କଥାବାର୍ତ୍ତା ହେବା ଆବଶ୍ୟକ।
ରାହୁଲ ଗାନ୍ଧୀ ଗଣମାଧ୍ୟମକୁ ସୂଚନା ଦେଇ କହିଛନ୍ତି, “କୃଷକଙ୍କ ଆନ୍ଦୋଳନ ସଂପର୍କରେ କ’ଣ ଘଟୁଛି ତାହା ସମସ୍ତେ ଜାଣନ୍ତି। ଏହି ତିନୋଟି ନିୟମ କ’ଣ ତାହା ଆପଣ ବୁଝିବା ଜରୁରୀ ଅଟେ। ପ୍ରଥମ ନିୟମ ମଣ୍ଡି ବ୍ୟବସ୍ଥାକୁ ନଷ୍ଟ କରିବ। ଦ୍ୱିତୀୟ ନିୟମ ଶସ୍ୟକୁ ନିଜ ହିସାବରେ ଷ୍ଟକ୍ ରଖିବାକୁ ଅନୁମତି ଦେବ ଏବଂ ତୃତୀୟ ନିୟମ ଅନୁଯାୟୀ କୃଷକମାନଙ୍କର ଯଦି କୌଣସି ଅସୁବିଧା ହୁଏ ତେବେ ସେମାନେ କୋର୍ଟକୁ ଯାଇପାରିବେ ନାହିଁ।
କଂଗ୍ରେସର ପୂର୍ବତନ ସଭାପତି କହିଛନ୍ତି ଯେ ଚାଷୀଙ୍କ ସହ ବହୁତ ଖରାପ ହେଉଛି। ଚାଷୀଙ୍କୁ ମାଡ଼ ମରାଯାଉଛି। ଏହି ସମୟରେ ସରକାର ଚାଷୀଙ୍କ ସହ କଥା ହେବା ଆବଶ୍ୟକ। ଏହି ଆନ୍ଦୋଳନ ଧୀରେ ଧୀରେ ସହରରେ ବ୍ୟାପିବ। ସରକାର ଚାଷୀଙ୍କ ସହ କଥା ହେବା ଉଚିତ ଏବଂ ଯଥାଶୀଘ୍ର ସେମାନଙ୍କ ସମସ୍ୟାର ସମାଧାନ କରିବା ଉଚିତ୍।
