ନୂଆ ଦିଲ୍ଲୀ ୧୪-୧୨ (ଓଡ଼ିଆ ପୁଅ) ପଶ୍ଚିମବଙ୍ଗରରେ ରାଜନୈତିକ ଆକ୍ରମଣର ଶିକାର ହୋଇଥିବା ବିଜେପି ସାଧାରଣ ସଚିବ କୈଲାଶ ବିଜୟବର୍ଗିୟଙ୍କ ସୁରକ୍ଷା ବୃଦ୍ଧି କରାଯାଇଛି। ତାଙ୍କ ସୁରକ୍ଷାକୁ Z ଶ୍ରେଣୀକୁ ବୃଦ୍ଧି କରାଯାଇଛି, ବୁଲେଟ୍ ପ୍ରୁଫ୍ ଗାଡି ମଧ୍ୟ ଯୋଗାଇ ଦିଆଯାଇଛି। ଚାରି ଦିନ ପୂର୍ବରୁ ଘଟିଥିବା ଏହି ଆକ୍ରମଣରେ କୈଲାଶ ବିଜୟବର୍ଗିୟ ଆହତ ହୋଇଥିଲେ।
ପଶ୍ଚିମବଙ୍ଗର ବିଜେପି ପ୍ରଭାରୀ ଦାୟିତ୍ୱରେ ଅଛନ୍ତି ବିଜୟବର୍ଗୀୟ। କେନ୍ଦ୍ର ଗୃହ ମନ୍ତ୍ରଣାଳୟର ନିର୍ଦ୍ଦେଶ ଅନୁଯାୟୀ ବୁଲେଟ୍ ପ୍ରୁଫ୍ ଯାନ ଯୋଗାଇ ଦିଆଯାଇଛି। ସୂଚନାଯୋଗ୍ୟଯେ, ୨୦୨୧ ର ପ୍ରଥମ ଭାଗରେ ବିଧାନସଭା ନିର୍ବାଚନ ହେବାକୁ ଯାଉଛି।
ଗୃହ ମନ୍ତ୍ରଣାଳୟର ଏକ ଆଦେଶରେ ଦର୍ଶାଯାଇଛି ଯେ, ବିଜୟବର୍ଗିୟଙ୍କୁ ପଶ୍ଚିମବଙ୍ଗରେ ‘ଜେ ପ୍ଲସ୍’ ସୁରକ୍ଷା ଯୋଗାଇ ଦିଆଯିବ ଏବଂ ବିଧାନସଭା ନିର୍ବାଚନ ପୂର୍ବରୁ ପଶ୍ଚିମବଙ୍ଗରେ ନିର୍ବାଚନ ପ୍ରଚାର ତଥା ଅନ୍ୟାନ୍ୟ ରାଜନୈତିକ କାର୍ଯ୍ୟକଳାପ ପାଇଁ ସେ ସମ୍ବେଦନଶୀଳ ଅଞ୍ଚଳ ଗସ୍ତ କରିବେ। ସେଥିପାଇଁ ସେ ବୁଲେଟ୍ ପ୍ରୁଫ୍ ଗାଡିରେ ଯାତ୍ରା କରିବେ। ଉନ୍ନତ ସୁରକ୍ଷା ବ୍ୟବସ୍ଥା ଅଧୀନରେ ବିଜେପି ନେତାଙ୍କୁ ସୁରକ୍ଷା ଯୋଗାଇବା ପାଇଁ ସିଆଇଏସ୍ଏଫ୍ କମାଣ୍ଡୋ ମଧ୍ୟ ରହିବେ।
ପଶ୍ଚିମବଙ୍ଗ ଗସ୍ତ ସମୟରେ ଦୁଇଜଣ ବ୍ୟକ୍ତିଗତ ସୁରକ୍ଷା ଅଧିକାରୀଙ୍କ ବ୍ୟତୀତ ପ୍ରାୟ ୭୦ ଜଣ ସିଆଇଏସ୍ଏଫ୍ କମାଣ୍ଡୋ ସୁରକ୍ଷା ପାଇଁ ନିୟୋଜିତ ହେବେ। ବିଜେପି ନେତାଙ୍କ ସୁରକ୍ଷା ଅନ୍ୟ ରାଜ୍ୟରେ ‘ଜେଡ୍’ ଶ୍ରେଣୀରେ ରହିବ, ଯେଉଁଥିରେ PSO ବ୍ୟତୀତ ୩୫ ରୁ ଅଧିକ ସୁରକ୍ଷା କର୍ମୀ ରହିବେ।
ସୂଚନାଯୋଗ୍ୟଯେ, ଯେତେବେଳେ ବିଜେପି ସଭାପତି ଜେ.ପି ନଡ୍ଡା କୋଲକାତା ଠାରୁ ଦକ୍ଷିଣ ୨୪ ପ୍ରଗଣା ଜିଲ୍ଲାର ଡାଇମଣ୍ଡ ହାର୍ବରକୁ ଯାଉଥିଲେ, ସେତେବେଳେ ତାଙ୍କ କନଭେନ ସହିତ ଯାଉଥିବା କୈଲାଶ ବିଜୟବର୍ଗିୟଙ୍କ କାର ଉପରେ ଆକ୍ରମଣ କରାଯାଇଥିଲା। ଏହି ଆକ୍ରମଣରେ ବିଜୟବର୍ଗିୟ ଏବଂ ବିଜେପି ଉପାଧ୍ୟକ୍ଷ ମୁକୁଲ ରୟ ଆହତ ହୋଇଥିଲେ।
