ଓଡିଆ ପୁଅ(ଦେବୀପ୍ରସାଦ ଆଚାର୍ଯ୍ୟ)୨୯/୯- ନୟାଗଡ ଜିଲ୍ଲା ରଣପୁର ଅଂଚଳରେ ରାତ୍ରୀକାଳୀନ ପେଟ୍ରୋଲିଂକୁ ନୟାଗଡ ଏସ୍.ପି. ପ୍ରତ୍ୟୁଷ ଦିୱାକରଙ୍କ ନିର୍ଦେଶ ରେ କଡାକଡି କରାଯାଇଥିବା ଜଣାପଡିଛି । ରଣପୁରର ଉଭୟ ପାଶ୍ୱର୍ରେ ଦୁଇଗୋଟି ଜାତୀୟ ରାଜପଥ ଯାଇଅଛି । ୫୭ନଂ ଖୋର୍ଦ୍ଧା ବଲାଙ୍ଗିର୍ ଜାତୀୟ ରାଜପଥଟି ରଣପୁର ଥାନା ଅଂଚଳ ଦେଇ ଯାଇଥିବା ବେଳେ ୧୬ନଂ କଲିକତା ମାଡ୍ରାସ୍ ରୋଡଟି ଚାନ୍ଦପୁର ଥାନା ଅଂଚଳ ଦେଇ ଯାଇଅଛି । ଉଭୟ ଜାତୀୟ ରାଜପଥ କଡରେ ରାତ୍ରରେ ବହୁ ଅସାମାଜିକ କାର୍ଯ୍ୟ ହେବା ସହ ଚୋରା ମାଲ୍ ନେଇ ଗାଡି ଗୁଡିକ ଯାଇଥାନ୍ତି ।
ରଣପୁର ଥାନା ଇନିସ୍ପେକ୍ଟର୍ ଜ୍ୟୋତି ପ୍ରକାଶ ପଣ୍ଡା ଦର୍ପନାରାୟଣପୁର ଫାଣ୍ଡି, ରାଜସୁନାଖଳା ଫାଣ୍ଡି, ଗୋପାଳପୁର,ଗଡବାଣିକିଲୋ ଓ ମଝିଆଖଣ୍ଡ ଭଳି ସମ୍ବେଦନଶୀଳ ଜାଗା ଗୁଡିକରେ ରାତ୍ରୀକାଳୀନ ପେଟ୍ରୋଲିଂ କଡାକଡି କରିଛନ୍ତି । ଗତ ୨୮ ତାରିଖ ବିଳମ୍ବିତ ରାତ୍ରରେ ରାଜସୁନାଖଳା ଫାଣ୍ଡି ଅଧିକାରୀ ଭୀମସେନ ମଲ୍ଲିକ ଓ ରଣପୁର ଥାନା ସବ୍ ଇନିସ୍ପେକ୍ଟର୍ ପ୍ରିତି ପ୍ରକାଶ ମହାନ୍ତି ପେଟ୍ରୋଲିଂ କରିଥିବା ସମୟରେ ଙଜ ୦୫ଇ୩-୧୩୫୩ ନମ୍ବର ବିଶିଷ୍ଟ ଚୋରା ମାଙ୍କଡା ବୋଝେଇ ଗାଡିଟିକୁ ଜବତ କରିଥିବା ଜଣାପଡିଛି । ଅନ୍ଧାରର ସୁଯୋଗ ନେଇ ଡ୍ରାଇଭର ଓ ଖଲାସୀମାନେ ଗାଡି ଛାଡି ପଳାଇଥିଲେ । ସେହିଭଳି ଭାବରେ ଚାନ୍ଦପୁର ଥାନା ଇନିସ୍ପେକ୍ଟର୍ ରଶ୍ମି ରଞ୍ଜନ ଦାସ ୧୬ନଂ ଜାତୀୟ ରାଜପଥ ସହ ମୟୁରଝାଲିଆ ଓ ପଟିଆ ଅଂଚଳରେ ରାତ୍ରୀ କାଳିନ ପେଟ୍ରୋଲିଂ କଡାକଡି କରିଥିବା ଜଣାପଡିଛି । ଯାହାଫଳରେ ଅସାମାଜିକ ବ୍ୟକ୍ତି ଓ ଚୋରା ବେପାରି ମଧ୍ୟରେ କୋକୁଆ ଭୟ ସୃଷ୍ଟି ହେଉଛି ।
