ଭଦ୍ରକ, ୨୫ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ବାସୁଦେବପୁର ବଜାର ତହସିଲ କାର୍ଯ୍ୟାଳୟ ସାମ୍ନା ଦୋକାନ ଗୃହ ବାରଣ୍ଡାରୁ ଦିନ ଦିପ୍ରହରରେ ସ୍କୁଟି ଚୋରି ହୋଇଥିବା ଅଭିଯୋଗ । ସୂଚନା ଅନୁସାରେ ଇରମ୍ ଗ୍ରାମର କମଳାକାନ୍ତ ତ୍ରିପାଠୀଙ୍କ ପୁଅ ବଳରାମଙ୍କର ସ୍କୁଟି, ଯାହାର ନମ୍ବର ଓଡି-୦୧ଜି-୭୮୧୭ ଚୋରି ହୋଇଯାଇଛି । ବଳରାମ ଗତକାଲି ଅପରାହ୍ନ ସମୟରେ ତହସିଲ କାର୍ଯ୍ୟାଳୟରେ କାମ ଥିବାରୁ ତହସିଲ କାର୍ଯ୍ୟାଳୟ ସାମ୍ନା ଦୋକାନ ବାରଣ୍ଡାରେ ରଖି ଯାଇଥିଲେ । ଫେରି ଦେଖିଲେ ସ୍କୁଟି ନାହିଁ । ବଳରାମ ଏ ନେଇ ବାସୁଦେବପୁର ଥାନାରେ ଲିଖିତ ଅଭିଯୋଗ କରିଛନ୍ତି । ଅଳ୍ପ କେତେଦିନ ଭିତରେ ବାସୁଦେବପୁର ଅଂଚଳରେ ବାଇକ୍ ଚୋରି ପୁଲିସ୍ର ମୁଣ୍ଡବ୍ୟଥାର କାରଣ ହୋଇଛି ।
