ଜଗତସିଂହପୁର, ୨୨ା୧୨ (ଓଡିଆ ପୁଅ/ନୃସିଂହ ଚରଣ ବାରିକ)ତିର୍ତ୍ତୋଲ ବ୍ଲକର ଅଗ୍ରଣୀ ଶିକ୍ଷାନୁଷ୍ଠାନ ଛତ୍ରମଠସ୍ଥିତ ସରସ୍ୱତୀ ଶିଶୁ ମନ୍ଦିରର ବାର୍ଷିକ କ୍ରୀଡା ଉତ୍ସବ ଦୁଇ ଦିନ ବ୍ୟାପି ଅନୁଷ୍ଠିତ ହୋଇଯାଇଛି। ଏହି କ୍ରୀଡା ପ୍ରତିଯୋଗିତାର ବିଭିନ୍ନ ବିଭାଗରେ ବିଦ୍ୟାଳୟର ଛାତ୍ରଛାତ୍ରୀ ମାନେ ଅଂଶ ଗ୍ରହଣ କରିଥଲେ। ବାଲ ବିଭାଗରେ ଦିବ୍ୟଜିତ ଦାସ, ଜ୍ୟୋର୍ତିମୟ ରାଉଳ, ଆଦିତ୍ୟ ପ୍ରସାଦ ବେହେରା, ଶିଶୁବର୍ଗରେ ଶିବପ୍ରସାଦ ସାହୁ, ସୌମ୍ୟରଞ୍ଜନ ବାରିକ, ଶୁଭଶ୍ରୀ ରାଉତ, ସନ୍ତୋଷୀ ଘଡେଇ ପ୍ରମୁଖ ଚମ୍ପିୟାନ ଓ ରନର୍ସ ଅପ ହୋଇଥିଲେ। ଏହି ଉପଲକ୍ଷେ ଆୟୋଜିତ ପୁରସ୍କାର ବିତରଣୀ ଉତ୍ସବରେ ଉପସଭାପତି ଶୋଭାରାଣୀ ନନ୍ଦ ସଭାପତିତ୍ୱ କରିଥିବାବେଳେ ସମ୍ମାନିତ ଅତିଥି ଆଡଭୋକେଟ ଅମରଜ୍ୟୋତି ସାହୁ ଯୋଗଦେଇ ଉପସ୍ଥିତ ଛାତ୍ରଛାତ୍ରୀଙ୍କୁ କ୍ରୀଡାର ଉପାଦେୟତା ସମ୍ପର୍କରେ ମନ୍ତବ୍ୟ ପ୍ରଦାନ କରିଥିଲେ। ପ୍ରଧାନ ଆଚାର୍ଯ୍ୟ ଉମାକାନ୍ତ ସାହୁ ସ୍ୱାଗତ ଭାଷଣ ଓ ଅଶୋକ କୁମାର ସିଂହ ଧନ୍ୟବାଦ ଦେଇଥିଲେ। ଗୁରୁଜୀ ଶିବପ୍ରସାଦ ନନ୍ଦ କ୍ରୀଡା ପ୍ରତିଯୋଗିତାକୁ ପରିଚାଳନା କରିଥିବାବେଳେ ଗୁରୁମା ସୁପ୍ରଭା ନାୟକ, ଶୁଭଶ୍ରୀ ତ୍ରିପାଠୀ, ବିଦିତା ଛାଟୋଇ, କମଳିନୀ ଶତପଥି, ଲିପ୍ତିମୟୀ ନାୟକ, ସରୋଜିନୀ ରାଉତ, ଦେବସ୍ମିତା ରାଉତ, ସାଗରିକା ନାୟକ, ରଶ୍ମିରେଖା ରାଉତ ପ୍ରମୁଖ ସହଯୋଗ କରିଥିଲେ।
