ଚାନ୍ଦବାଲି, ୦୪/୧୧, (ଓଡ଼ିଆ ପୁଅ ପି ନାୟକ):ଯାତ୍ରା ଦେଖି ଫେରିବା ବେଳେ ଛାତ୍ରୀଂକୁ ଟେକି ନେଇ ଗତ ଦୁଷ୍କର୍ମ। ଆଜ୍ଞା ହଁ, ଚାନ୍ଦବାଲି ଅଞ୍ଚଳରେ ଜୈନିକା ନାବାଳିକା ଛାତ୍ରୀ ତାଙ୍କ ଭାଇ ସହ ଚାନ୍ଦବାଲିରୁ ଯାତ୍ରା ଦେଖି ଫେରୁଥିବା ସମୟରେ ଚାନ୍ଦବାଲି କଲେଜ ରୋଡ଼ ଫାୟର ଷ୍ଟେସନ ନିକଟରେ ୪ ଜଣ ଯୁବକ ଛାତ୍ରୀଙ୍କ ଭାଇକୁ ମାଡ଼ ମାରି ଛାତ୍ରୀଙ୍କୁ ଟେକି ନେଇ ଗଣ ଦୁଷ୍କର୍ମ କରିଛନ୍ତି। ପରେ ଛାତ୍ରୀ ଜଣଙ୍କ ଚିତ୍କାର କରିବାରୁ ଯାତ୍ରାରୁ ଫେରୁଥିବା ଅନ୍ୟ ଲୋକମାନେ ଘଟଣା ସ୍ଥଳରେ ପଂହଚି ଯିବାରୁ ଛାତ୍ରୀଙ୍କୁ ଛାଡ଼ି ଅଭିଯୁକ୍ତ ମାନେ ଏକ ମଟର ସାଇକେଲରେ ଫେରାର ହୋଇଯାଇଥିଲେ। ତେବେ ଘଟଣା ସ୍ଥଳରୁ ଜଣେ ଅଭିଯୁକ୍ତକୁ ଗ୍ରାମବାସୀ କାବୁ କରି ଖୁଂଟରେ ବାନ୍ଧି ନିର୍ଦ୍ଧୁମ ଛେଚିଥିଲେ। ମାତ୍ର ଅନ୍ୟ ୩ ଜଣ ଘଟଣାସ୍ଥଳରୁ ଫେରାର ହୋଇଯାଇଥିଲେ। ତେବେ ଲୋକଙ୍କ ଠାରୁ ଖବର ପାଇ ଘଟଣା ସ୍ଥଳରେ ପୋଲିସ ପହଂଚି ଅଭିଯୁକ୍ତ ଯୁବକକୁ ଗ୍ରାମବାସୀଙ୍କ ଠାରୁ ଉଦ୍ଧାର କରି ଥାନାକୁ ଆଣିବା ସହ ଅଧିକ ତଦନ୍ତ ଜାରୀ ରଖିଛି।
