ଭଦ୍ରକ,୨୨/୧୦,(ଓଡ଼ିଆ ପୁଅ ପି ନାୟକ): ଭଦ୍ରକ ଜିଲ୍ଲା ଭଣ୍ଡାରିପୋଖରୀ ବ୍ଳକ ଅନ୍ତର୍ଗତ ମଞ୍ଜୁରୀରୋଡ ଅଞ୍ଚଳରେ ମାତିଛନ୍ତି ବୁଲା କୁକୁର । ସେମାନେ ସମସ୍ତଙ୍କୁ କାମୁଡୁଥିବା ଦେଖିବାକୁ ମିଳିଛି । ଫଳରେ ଏଥିରେ ୧୫ ଜଣ ଆହତ ହୋଇଛନ୍ତି । ଏବେ ସମସ୍ତେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବା ସୂଚନା ମିଳିଛି । କୁକୁରଙ୍କ ଏହି ଆତଙ୍କ ଦେଖି ଗ୍ରାମବାସୀ ଭୟଭୀତ ହୋଇ ଘରେ ପଶି ଯାଇଥିଲେ । ସେହିପରି ମଞ୍ଜୁରୀରୋଡ ଅଞ୍ଚଳରେ ଜଣେ ବ୍ୟକ୍ତି କୌଣସି କାମରେ ବାହାରକୁ ଯାଉଥିବାବେଳେ ଏହି ବୁଲା କୁକୁର ଦଉଡି ଆସି ତାଙ୍କୁ କାମୁଡିବା ସହିତ କ୍ଷତାକ୍ତ କରି ଦେଇଥିଲା ।ଗ୍ରାମରେ କୁକୁରଙ୍କ ଏହି ଆତଙ୍କ ଦେଖି ଘରୁ କେହି ବାହାରୁ ନାହାନ୍ତି । ଅନେକ ଘରେ ତାଟି କବାଟ ପକାଇ ରହିଛନ୍ତି । ଯାହାର କିଛି ଜରୁରୀ କାମ ରହିଛି ସେହି ଲୋକମାନେ ହାତରେ ବାଡ଼ି ଧରି ଘରୁ ବାହାରକୁ ବାହାରୁଥିବା ଖବର ମିଳିଛି ।
