ଢେଙ୍କାନାଳ,୨୮/୧୦,(ଓଡ଼ିଆ ପୁଅ ପି ନାୟକ): ଗତକାଲି ଢେଙ୍କାନାଳ ଜିଲ୍ଲା ଭୁବନସ୍ଥିତ ଏକ ଲୁଗା ଦୋକାନରେ ଭୟଙ୍କର ଅଗ୍ନିକାଣ୍ଡ ଘଟି ଲକ୍ଷାଧିକ ଟଙ୍କାର ଡ୍ରେସ୍ ପୋଡ଼ି ପାଉଁଶ ହୋଇଯାଇଛି । ଖବର ପାଇ ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁ କୁ ଆୟତ୍ତ କରିଛି । ତେବେ ସୂଚନା ଅନୁସାରେ, ଢେଙ୍କାନାଳ ଜିଲ୍ଲା ଭୁବନସ୍ଥିତ ୫୩ ନମ୍ବର ଜାତୀୟ ରାଜପଥର ଡାକଘର ନିକଟରେ ଥିବା ଶ୍ରୀକ୍ରିଷ୍ଣା ଡ୍ରେସ୍ ସପ୍ରେ କୌଣସି କାରଣରୁ ଅଗ୍ନିକାଣ୍ଡ ଘଟିଥିଲା । ଏନେଇ କପଡ଼ା ଗୋଦାମର ମାଲିକ କୈଳାଶ ଚନ୍ଦ୍ର ରାଠୀ ଖବର ଦେବା ପରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ କରିଥିଲା । ଏଥିରେ ପ୍ରାୟ ୧ କୋଟି ଟଙ୍କାର କପଡା ପୋଡ଼ି ପାଉଁଶ ହୋଇଯାଇଥିବା ଅନୁମାନ କରାଯାଉଛି ।
