କେନ୍ଦ୍ରାପଡା, ୯/୧(ଓଡ଼ିଆ ପୁଅ/ଚିତ୍ତରଞ୍ଜନ ଦାସ)- କେନ୍ଦ୍ରାପଡା ବ୍ଲକ ଅନ୍ତର୍ଗତ ଶ୍ୟାମସୁନ୍ଦରପୁର ପଂଚାୟତର ଦୁତିଆଳ ଗ୍ରାମରେ ଜନ୍ମିତ ଯୁବ ଇଞ୍ଜିନିୟର ଦେବେନ୍ଦ୍ର କୁମାର ପରିଡାଙ୍କର ଦୁବାଇରେ କରୋନା ପ୍ରପିଡିତ ହୋଇ ୪୩ ବର୍ଷ ବୟସରେ ବିୟୋଗ ହୋଇଯାଇଛି। ସ୍ୱର୍ଗତ ପରିଡା ଏ ଅଂଚଳରେ କେତେକ ଯୁବକ ମାନଙ୍କୁ ଦୁବାଇରେ ନିଯୁକ୍ତି ପ୍ରଦାନ କରିବାରେ ସହାୟତା କରିଥିଲେ। ଜଣେ ଉଦୀୟମାନ ଓ ପରୋପକାରୀ ଯୁବକ ଭାବରେ ତାଙ୍କର ପରିଚୟ ରହିଛି। ସ୍ୱର୍ଗତ ପରିଡା ହେଉଛନ୍ତି ଶୁକଦେବ ପରିଡା ଏବଂ ପଦ୍ମାବତୀ ପରିଡାଙ୍କର ସାନପୁଅ ଏବଂ ଅଧ୍ୟାପକ ଅଜୟ ସାମଲଙ୍କ ଅତି ନିକଟ ସଂପର୍କୀୟ। ତାଙ୍କ ବିୟୋଗରେ ସ୍ଥାନୀୟ ଅଂଚଳରେ ଗଭୀର ଶୋକର ଛାୟା ଖେଳିଯାଇଛି।
