ମାଲକାନଗିରି,୧୧ା୬ (ଓଡିଆ ପୁଅ )ମହାମାରି କରୋନା ଭୟରେ ସମଗ୍ରବିଶ୍ୱବାସୀ ଆତଙ୍କିତ ହୋଇ ଲଢାଇ ଜାରି ରଖିଥିବା ବେଳେ ରାଜ୍ୟସରକାର ମାସ୍କ,ପିପିଇକିଟ ଓ ଅନ୍ୟାନ ମେସିନ କିଣାରେ କୋଟି କୋଟି ଟଙ୍କାର ଦୁର୍ନିତୀ କରିଥିବାରୁ ଏହାର ନିରପକ୍ଷ ତଦନ୍ତ ଦାବିକରିଛି ମାଲକାନଗିରି ଜିଲ୍ଲାକଂଗ୍ରେସ ଦଳ । ଆଜି ଜିଲ୍ଲାକଂଗ୍ରେସ ଦଳ କାର୍ଯ୍ୟାଳୟ ପରିସରରୁ ଜିଲ୍ଲାସଭାପତି ଗୋବିନ୍ଦ ପାତ୍ର ଙ୍କ ନେତୃତ୍ୱରେ ପ୍ରାୟ୫୦ରୁ ଉର୍ଦ୍ଦ କଂଗ୍ରେସ ନେତା ଓ କର୍ମୀମାନେ ଲକଡାଉନ ନିୟମ ମାନି ମାସ୍କ ପରିଧାନ ସହ ସାମାଜିକ ଦୂରତା ରକ୍ଷାକରି ଏକସୋଭା ଯାତ୍ରାରେ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ପହଁଚିଥିଲେ ।ସେଠାରେ ବିକ୍ଷୋଭ ପ୍ରଦର୍ଶନ କରି ମୁଖ୍ୟମନ୍ତ୍ରୀ ନବୀନପଟନାୟକ, ସ୍ୱାସ୍ଥ୍ୟମନ୍ତ୍ରୀ ନବକିଶୋରଦାସ ଓ ବରିଷ୍ଟ ଆଇଏଏସ ଅଫିସର ଏଚ.କେ.ଶର୍ମାଙ୍କ କୁଶପୁତଳିକା ଦାହ କରିଛନ୍ତି । ମାସ୍କ,ପିପିଇ କିଟ କିଣା ରେ ହୋଇଥିବା ମହାଦୁର୍ନିତୀର ନିରପକ୍ଷ ତଦନ୍ତ କରାଯାଉ,ଦୁର୍ନିତୀରେ ଲିପ୍ତଥିବା ସ୍ୱାସ୍ଥ୍ୟମନ୍ତ୍ରୀ ଓ ଆଇଏସ ଅଧିକାରୀ ତୁରନ୍ତ ଇସ୍ତପା ଦିଅନ୍ତୁ ଦାବିକରି ମାଲକାନଗିରି ଜିଲ୍ଲାପାଳ ମନୀଷ ଅଗ୍ରଓ୍ୟାଲ ଙ୍କ ଜରିଆରେ ମାନ୍ୟବର ରାଜ୍ୟପାଳଙ୍କ ଉଦେଶ୍ୟରେ ଏକ ୬ଦଫା ଦାବି ପତ୍ର ପ୍ରଦାନ କରିଛନ୍ତି । ଏହି ସୋଭାଯାତ୍ରା ଓ ବିକ୍ଷୋଭରେ ଅନ୍ୟାନ ମାନଙ୍କ ମଧ୍ୟରେ ଜିଲ୍ଲାକଂଗ୍ରେସ କାର୍ଯ୍ୟକାରୀ ସଭାପତି ରାମପ୍ରସାଦ ପଟନାୟକ,ମାଲା ମାଢି,ଲକ୍ଷମ୍ୀ ପ୍ରୀୟା ନାୟକ,କମଳାବରାଳ,ଜି.ଶ୍ରୀନିବାସ ରାଓ,ପର୍ଶୁରାମଭକ୍ତ,ଲକ୍ଷମୀ କାନ୍ତ ମହାରଣା, ପଦ୍ମପାଙ୍ଗି, ପେଣ୍ଡ୍ରାପଣ୍ଡା, ପି.କେଶୁରାଓ, ପ୍ରଭାକର ପାଳ,ଛବିଦାସ ପ୍ରମୁଖ କଂଗ୍ରେସ କର୍ମୀ ଯୋଗଦେଇଥିଲେ ।
