ମାଲକାନଗିରି,୫ା୩ (ଓଡିଆ ପୁଅ) ଆଦିବାସୀ ଅଧ୍ୟୁଷିତ ମାଲକାନଗିରି ଜିଲ୍ଲାକୁ ରାଜ୍ୟ କାୟାକଳ୍ପ ଟିମ ଗସ୍ତକରି ଜିଲ୍ଲାହସପିଟାଲ ସହିତ ଅନ୍ୟାନ ସ୍ୱାସ୍ଥ୍ୟକେନ୍ଦ୍ର ପରିଦର୍ଶନ କରି ସ୍ୱାସ୍ଥ୍ୟ ସେବା ସ୍ଥିତି ପରଖିଛନ୍ତି । ରାଜ୍ୟ କାୟକଳ୍ପ ଟିମଲିଡର ଡାକ୍ତର ଆଦିତ୍ୟ ପ୍ରସାଦ ମହାପାତ୍ର ଙ୍କ ନେତୃତ୍ୱରେ ଡାକ୍ତର ଆଶୁତୋଷ ପାଢି,ଡାକ୍ତର ପ୍ରଶାନ୍ତ କୁମାର ଦାଶ ଗତ ତିନିଦିନ ହେଲା ମାଲକାନଗିରି ଜିଲ୍ଲାର ଖଇରପୁଟ, କୁଡୁମୁଲୁଗୁମ୍ମା, ପାଣ୍ଡ୍ରୀପାଣି,କାଲିମେଳା,କୋରକୁଣ୍ଡା,ଚିତ୍ରକୋଣ୍ଡା ଡାକ୍ତରଖାନା ସହିତ ମାଲକାନଗିରି ଜିଲ୍ଲା ହସପିଟାଲ ପରିଦର୍ଶନ କରିଛନ୍ତି । ହସପିଟାଲ ପରିବେଶ,ରୋଗୀଙ୍କ ଚିକିତ୍ସା,ଆବଶ୍ୟକ ଯନ୍ତ୍ରପାତି,ଚିକିତ୍ସା କୋଠରୀ,ପାନୀୟଜଳ,ସ୍ୱଚ୍ଛତା ଆଦି ଉନ୍ନୟନ କାର୍ଯ୍ୟର ତଦାରଖ କରିବାସହିତ ହସପିଟାଲ ଗୁଡିକର ସ୍ଥିତିପରଖିଥିଲେ । ଜିଲ୍ଲାହସପିଟାଲର ଡିଜିଟାଲ ଆଲୋକି କରଣ,ହସପିଟାଲ ପରିସରରେ ନାନାପ୍ରକାର ଫୁଲଗଛ, ପାର୍କ ଦେଖି ବହୁତ ଖୁସି ହୋଇଥିଲେ । ରୋଗୀ ମାନଙ୍କୁ ଉତମ ସ୍ୱାସ୍ଥ୍ୟସେବା ଯୋଗାଇଦିଆ ଯାଉଛି କି ନାହିଁ ପଚାରିବାବୁଝିବା ସହିତ ଜିଲ୍ଲାରେ ରୋଗୀ ମାନଙ୍କୁ ଭଲଭାବରେ ଚିକିତ୍ସା ବ୍ୟବସ୍ଥା ସହିତ ହସପିଟାଲଗୁଡିକୁ କିପରି ଆଧୁନିକରଣ କରାଯିବ ସେନେଇ ଜିଲ୍ଲାହସପିଲାରେ ସ୍ୱାସ୍ଥ୍ୟସେବା ସଂପର୍କରେ ଏକ ସମୀକ୍ଷା ବୈଠକ ର ଆୟୋଜନ କରାଯାଇଥିଲା । ଏହି ରାଜ୍ୟସ୍ତର କାୟାକଳ୍ପ ଟିମ ସହିତ ଜିଲ୍ଲାମୁଖ୍ୟଚିକିତ୍ସା ଅଧିକାରୀ ଡାକ୍ତର ପ୍ରଫୁଲକୁମାର ନନ୍ଦ,ଏଡିଓମଓ ମେଡିକାଲ ଡା.ଶିବପ୍ରସାଦ ମହାରଣା,ଜିଲ୍ଲାହସପିଟାଲ ସୁପରି ଟେଣ୍ଡେଟଂ ଡାକ୍ତର ସଂଙ୍କଳ୍ପ ଭୋଳ,ଡାକ୍ତର ଅନିଲ କୁମାର ମିଶ୍ର ଙ୍କ ସହିତ ପ୍ରମୁଖ ଡାକ୍ତର ମାନେ ଉପସ୍ଥିତ ଥିଲେ ।
