କୋରାପୁଟ ୧୭-୦୮(ଓଡିଆ ପୁଅ /ରଂଜନ ଦାସ) ମାଛକୁଣ୍ଡ ପୋଲିସ ଦ୍ୱାରା ଟିକାପୁଟ ଛକରୁ ଏକ କାରରୁ ୧୦୮ କିଲୋ ୬୦୦ ଗ୍ରାମ ଗଞେଇ ଜବତ କରା ଯାଇଥିବାବେଳେ ଘଟଣାରେ ୩ ଜଣ ଅଭିଯୁକ୍ତଙ୍କୁ ଗିରଫ କରା ଯାଇଥିବା ନନ୍ଦପୁର ଏସଡିପିଓ ସଂଜୟ କୁମାର ମହାପାତ୍ର ସୂଚନା ଦେଇଛନ୍ତି । ଗିରଫ ତିନିଜଣ ହେଲେ ରାଜସ୍ଥାନର ମହମ୍ଦ ଆଝାରୁଦ୍ଧିନ,ଜୀତେନ୍ଦ୍ର ସିଂହ ଏବଂ ବନ୍ତେଶ କୁମାର । ମାଛକୁଣ୍ଡ ଅଂଚଳରୁ ରାଜସ୍ଥାନକୁ ଆରଜେ-୧୪ ସିୟୁ ୭୬୭୪ ନମ୍ବର ଥିବା ଏକ କାରରେ ଗଞେଇ ଚୋରା ଚାଲାଣ ହେଉଥିବା ସୂଚନା ମାଛକୁଣ୍ଡ ଥାନା ଅଧିକାରୀ ପ୍ରଫୁଲ ଲାକ୍ରା ପାଇଥିଲେ । ସୂଚନା ଅନୁଯାୟୀ ଥାନା ଅଧିକାରୀ ଶ୍ରୀ ଲାକ୍ରା ପୋଲିସ ଟିମ ସହ ଟିକାପୁଟ ଛକରେ ନାକାବନ୍ଦୀ କରିଥିଲେ । ଗଞେଇ ନେଇ ଯାଉଥିବା ଉକ୍ତ କାର ଆସିବା ମାତ୍ରେ ପୋଲିସ ଟିମ ଗାଡି ଅଟକାଇ ଚେକିଂ କରିବା ବେଳକୁ ଗାଡିରୁ ଜରି ଅଖାରେ ଭରି ହୋଇଥିବା ୧୦୮ କିଲୋ ୬୦୦ ଗ୍ରାମ ଗଞେଇ ମିଳିଥିଲା । ପୋଲିସ ଟିମ କାର ସହ ଗଞେଇ ,୪ଟି ମୋବାଇଲ ଫୋନ ଓ ଅନ୍ୟାନ୍ୟ କାଗଜ ଜବତ କରିଛି । ଜବତ ଗଞେଇର ମୂଲ୍ୟ ପ୍ରାୟ ୧୦ ଲକ୍ଷ ଟଙ୍କା ହେବ ବୋଲି ଜଣାପଡିଛି । ମାଛକୁଣ୍ଡ ଥାନାରେ ଏନଡିପିଏସ ଆକ୍ଟ୍ ଅନୁଯାୟୀ ଏକ ମାମଲା(କେସ ନଂ-୬୫/୨୦୨୧) ରୁଜୁ କରା ଯାଇ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଥିବା ନନ୍ଦପୁର ଏସଡିପିଓ ଶ୍ରୀ ମହାପାତ୍ର ସୂଚନା ଦେଇଛନ୍ତି ।
