ମାଲକାନଗିରି,୨୩ ।୨(ଓଡିଆ ପୁଅ ) ମାଲକାନଗିରି ଜିଲ୍ଲାସଦର ମହକୁମା ସୁକୁମା ବାଇପାସ ରାସ୍ତା ପାଶ୍ୱର୍ କେନାଲକୁ ଖସିପଡି ଜଣେ ମଟର ସାଇକେଲ ଆରୋହୀ ଦୁର୍ଘଟଣାରେ ମୃତ୍ୟୁଘଟିଥିବାର ଜଣାପଡିଛି । ସୋମବାର ବିଳମ୍ବିତ ରାତ୍ରରେ ଏହି ମଟର ସାଇକେଲ ଆରୋହୀ ମାଲକାନଗିରି ସୁକୁମା ବାଇପାସ ରାସ୍ତାରେ ଯାଉଥିବା ସମୟରେ ଭାରସାମ୍ୟହରାଇ ଦୁର୍ଘଟଣା ଘଟିଥିବାର ଜଣାପଡିଛି । ଆଜି ସକାଳେ ସେହି ରାସ୍ତାରେ କିଛି ଲୋକ ଯାଉଥିବା ସମୟରେ ମଟର ସାଇକେଲ ଟିଏ ସୁକୁମା ରାସ୍ତା କେନାଲ ହୁଡାରେ ପଡିଥିବା ବେଳେ କିଛିି ଦୁରରେ ଜଣେ ଯୁବକର ଦୁର୍ଘଟଣାରେ ମୃତ୍ୟୁ ହୋଇଥିବାର ଦେଖିବାକୁ ପାଇଥିଲେ । ଏ ସଂପର୍କରେ ମାଲକାନଗିରି ଥାନାକୁ ଖବର ଦେବାରୁ ପୁଲିସ ଘଟଣାସ୍ଥଳରେ ପହଁଚି ମଟର ସାଇକେଲ ଜବତ କରି ଯୁବକର ମୃତ ଶରୀର କୁ ଶବ ବ୍ୟବଛେଦ ନିମନ୍ତେ ମାଲକାନଗିରି ହସପିଟାଲକୁ ପଠାଇ ଛନ୍ତି । ମୃତ ଯୁବକର ପରିଚୟ ମିଳି ନଥିବା ବେଳେ ମଟର ସାଇକେଲ ନମ୍ବରରୁ ଯାହା ଜଣାପଡୁଛି ଏହା କୋରାପୁଟ ନମ୍ବର । ପୁଲିସ ଏକ ଅପମୃତ୍ୟୁ ମାମଲା ରୁଜୁକରି ମୃତ ଯୁବକର ପରିଚୟ ଖୋଜାଚଳାଇଛି ।
