ନୟାଗଡ(ଓଡିଆ ପୁଅ/ଦେବୀପ୍ରସାଦ ଆଚାର୍ଯ୍ୟ)/୦୨/୧୨- ନୟାଗଡ ଜିଲ୍ଲା ରଣପୁର ତହସିଲ ଛପରୀ କୋଇଲମା ମୈାଜାରେ ବେଆଇନ ଖଣି , ବେଆଇନ ବିସ୍ପୋରଣ ବନ୍ଦ କରିବା ସହ ପଥର ଗୁଣ୍ଡ କଳ ବନ୍ଦ ଡାକରା ଦେଇ ବୃନ୍ଦାବନପୁର ଓ ଲୋଧାଚୁଆ ଜଙ୍ଗଲ ସୁରକ୍ଷା ପରିବେଶ ରକ୍ଷା କ୍ରିୟାନୁଷ୍ଠାନ କମିଟି ତରଫରୁ ଆନ୍ଦୋଳନ ଜାରୀ ରହିଥିଲା । ଯାହାଫଳରେ ଡିସେମ୍ବର ୨ ତାରିଖ ଠାରୁ ସୁନାଖଳା ରଣପୁର ରାସ୍ତା କୋଇଲମା ଛକ ଠାରେ ଅର୍ନିଦିଷ୍ଟ କାଳପାଇଁ ରାସ୍ତା ରୋକ ଡାକରା ଦିଆଯାଇଥିଲା । ରଣପୁର ପୋଲିସ ତରଫରୁ ବିପୁଳ ବିସ୍ପୋରକ ସାମଗ୍ରୀ , କମ୍ପ୍ରେସର ମେସିନ ଜବତ ଓ ୧୬ ଜଣ ଅଭିଯୁକ୍ତ ଙ୍କୁ କୋର୍ଟ ଚାଲାଣ ପରେ ଆନ୍ଦୋଳନକାରୀ ମାନେ କିଛି ମାତ୍ରାରେ ଶାନ୍ତ ପଡିଥିଲେ ।
ଡିସେମ୍ବର ୧ ତାରିଖ ରେ ନୟାଗଡ ଉପ ଜିଲ୍ଲାପାଳ ଲଗ୍ନଜିତ୍ ରାଉତ , ରଣପୁର ତହସିଲଦାର ଯୁଗଳ ମିଶ୍ର ଓ ଥାନା ନିରୀକ୍ଷକ ରଶ୍ମୀ ରଞ୍ଜନ ଦାସ ଆନ୍ଦୋଳନକାରୀ ମାନଙ୍କୁ ଡକାଇ ଆଲୋଚନା କରିଥିଲେ । ଆନ୍ଦୋଳନକାରୀ ମାନଙ୍କ ୭ ଗୋଟି ଦାବୀ କୁ ପ୍ରଶାସନ ବିଚାର କରିବ ବୋଲି ପ୍ରତିଶୃତି ଦେଇଥିଲା । ଆନ୍ଦୋଳନକାରୀ ମାନେ ଡିସେମ୍ବର ୨ ତାରିଖ ସକାଳ ୯ ଘଟିକା ସମୟରେ ରାସ୍ତାରୋକ କରିଥିଲେ । ଉପ ଜିଲ୍ଲାପାଳ ଲଗ୍ମଜିତ୍ ରାଉତ ପ୍ରଶାସନିକ କଳ କୁ ସଙ୍ଗରେ ନେଇ ଆନ୍ଦୋଳନକାରୀ ଙ୍କ ୭ ଦଫା ଦାବି ବିଚାର କରାଯିବ ବୋଲି ଲିଖିତ ପ୍ରତିଶୃତି ଦେଇଥିଲେ । ଫଳରେ ଆନ୍ଦୋଳନକାରୀ ମାନେ ରାସ୍ତାରୋକ ରୁ ହଟିଯାଇଥିଲେ । ଯାହାଫଳରେ ଜୀବନ ଯାତ୍ରା ସ୍ୱାଭାବିକ ହୋଇଥିବା ଜଣାପଡିଛି ।
