ମାଲକାନଗିରି,୨ା୫(ଓଡିଆ ପୁଅ) ମାଲକାନଗିରି ଆଦର୍ଶ ଥାନା ପୁଲିସ ପକ୍ଷରୁ ପେଟ୍ରୋଲିଂ ଚାଲୁଥିବା ବେଳେ ୧୦ଲିଟର ଦେଶି ମଦ ଜବତ କରିବା ସହ ଜଣେ ଯୁବକ କୁ ଗିରଫ କରିଛନ୍ତି । ଲକ ଡାଉନ ସମୟରେ ସମସ୍ତ ମଦ ଦୋକାନ ବନ୍ଦଥିବାରୁ ମାଲକାନଗିରି ଥାନାସ୍ଥ ସିନ୍ଧ୍ରିମାଳ ପଚାଂୟତ କେନ୍ଦୁଗୁଡା ଗ୍ରାମର ବିମଲ ମାଢି(୨୯)ନାମକ ଜଣେ ଯୁବକ ବାଇକ ଯୋଗେ ଏକ ପ୍ଲାଷ୍ଟିକ ଜାରକିନରେ ୧୦ଲିଟର ଦେଶି ମଦ ନେଇ ବିକ୍ରୀକରିବାକୁ ନେଉଥିଲେ । ମାଲକାନଗିରି ପ୍ରବେଶ ଦ୍ୱାର ଭୈରବ ମନ୍ଦିର ନିକଟରେ ପୁଲିସ ପେଟ୍ରେଲିଂ ରେ ଯାଉଥିବା ବେଳେ ମଦ ନେଇ ଯାଉଥିବା ଯୁବକ ହାବୁଡରେ ପଡି ଯାଇଥିଲା । ପୁଲିସ ତାକୁ ଅଟକାଇବା ବେଳକୁ ସେ ଦୃତଗତିରେ ସତିଗୁଡା ଆଡକୁ ପଳାଉଥିବା ବେଳେ ସେ ମଦ ପିଇ ଦେଇଥିବାରୁ ରାସ୍ତାର ବୁଲାଣି ନିକଟରେ ବାଇକ ଭାରସାମ୍ୟ ହରାଇ ଟଳିଟଳି ପଡିଯାଇଥିଲା । ପୁଲିସ ସେଠାରେ ପହଁଚି ବିମଲଙ୍କୁ ଧରି ଥାନାକୁ ନେଇଯାଇଥିଲେ । ବିମଲ ଙ୍କ ନିକଟରୁ ଏକ ଜାରକିନରେ ୧୦ଲିଟର ମଦ ଜବତ କରାଯାଇ ଲକଡାଉନ ସମୟରେ ବେଆଇନ ଭାବେ ମଦ ନେଉଥିବା ଅଭିଯୋଗରେ ମଦ ଓ ବାଇକ ଜବତ କରାଯିବା ସହ ବିମଲଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ବୋଲି ମାଲକାନଗିରି ଥାନା ଅଧିକାରୀ ରାମପ୍ରସାଦ ନାଗ ସୁଚନା ଦେଇଛନ୍ତି ।
