ମାଲକାନଗିରି, ୨୮ ।୧(ଓଡିଆ ପୁ୍ଅ) ବହୁଦିନର ପ୍ରତିକ୍ଷା ପରେ ଆଜି କରୋନା ଭୂତାଣୁ ବିରୋଧରେ ଦ୍ୱିତୀୟ ପଯ ର୍୍ୟାୟରେ ଆରମ୍ଭ ହୋଇଛି ଲଢେଇ,ଜିଲ୍ଲାର ତିନୋଟି ହସପିଟାଲରେ ୩୦୦ଜଣ କୋଭିଡ ଯୋଦ୍ଧା ମାନଙ୍କୁ ମିଳିଲା କରୋନା ନିରାକରଣର ସଂଜିବନୀ । ମାଲକାନଗିରି ଜିଲ୍ଲାର ସ୍ୱାଭିମାନ ଅଚଂଳ ଚିତ୍ରକୋଣ୍ଡା,ପଡିଆ ଓ ଏମଭି୭୯ ହସପିଟାଲରେ ଆଜି ଠାରୁ ଆରମ୍ଭ ହୋଇଯାଇଛି କରୋନା ପ୍ରତିଷେଧକ ଟିକାକରଣ । ଏହି ତିନୋଟି ହସପିଟାଲରେ ସ୍ୱତନ୍ତ୍ର ଭାବେ ପ୍ରତିଷ୍ଟା କରାଯାଇଥିବା କରୋନା ଟିକାରଣ ଗୃହରେ ଆଜି ସକାଳେ କଢାସୁରକ୍ଷା ମଧ୍ୟରେ ଆଗ ଧାଡିର କରୋନା ଯୋଦ୍ଧା ଡାକ୍ତର,ନର୍ସ,ଫାରମାସିଷ୍ଠ ଓ ସ୍ୱାସ୍ଥ୍ୟକର୍ମୀ, ସୁଇପର,ମାନଙ୍କୁ ଟିକାକରଣ କରାଯାଇଛି । ବିଶେଷ କରି ଏମଭି ୭୯ ହସପିଟାଲରେ ଏହି କାର୍ଯ୍ୟକ୍ରମକୁ ଡାକ୍ତର ପ୍ରସଜିଂତ ରାୟ ଓ ଜ୍ୟୋତି କୃଷ୍ଣ ପାଠକ ଆନୁଷ୍ଠାନିକ ଭାବେ ଉଦଘାଟନ କରିବା ପରେ ପ୍ରଥମେ କରୋନା ଯୋଦ୍ଧା ଡାକ୍ତର ପି. ରାୟ ଙ୍କୁ କରୋନା ପ୍ରତିଷେଧେକ ଟିକା ପ୍ରଦାନ କରାଯାଇଥିଲା । ଆଜି ପ୍ରଥମ ଦିବସରେ ଏହି ହସପିଟାଲରେ ୧୦୦ଜଣ କରୋନା ଯୋଦ୍ଧାଙ୍କୁ ଟିକାକରଣ କରାଯାଇଛି । ଠିକ ସେହିପରି ଚିତ୍ରକୋଣ୍ଡା ଗୋଷ୍ଠିସ୍ୱାସ୍ଥ୍ୟ କେନ୍ଦ୍ରରେ ଆଜି ପ୍ରଥମଦିବସରେ ୧୦୦ଜଣ,ପଡିଆ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ୧୦୦ଜଣ କରୋନା ପ୍ରତିଷେଧକ ଟିକା ଆଜି ସନ୍ଧ୍ୟାସୁଦ୍ଧା ନେଇଥିବାର ଜଣାପଡିଛି । ପ୍ରଥମ ପର୍ଯ୍ୟାୟରେ ମାଲକାନଗିରି ଜିଲ୍ଲାକୁ ୩୬୦୦ ଟି କୋଭିଡ ଭେକ୍ସିନ ଫାଇଲ ଆସିଛି,ଏହି ଟିକା ନେବାପାଇଁ ପ୍ରଥମ ପର୍ଯ୍ୟାୟରେ ଜିଲ୍ଲାରେ ୫୨୯୦ଜଣଙ୍କ ନାମପଜିଂକୃତ କରାଯାଇଛି । ପ୍ରତି କେନ୍ଦ୍ରରେ ୫ଜଣ ସ୍ୱାସ୍ଥ୍ୟବିଭାଗ ଅଧିକାରୀ ଉପସ୍ଥିତ ରହି ଟିକାପ୍ରଦାନ କରିଛନ୍ତି ଓ ପ୍ରତି କେନ୍ଦ୍ରକୁ ୫ଜଣ ରାପିଡ ଆକ୍ସନ ଟିମ ଗସ୍ତକରି ଟିକାକରଣ କାର୍ଯ୍ୟକ୍ରମ ଅନୁଧ୍ୟାନ କରୁଛନ୍ତି,ଆଜି ଟିକା ନେଇଥିବା କରୋନା ଯୋଦ୍ଧାଙ୍କର କୌଣସି ପାଶ୍ୱର୍ପ୍ରତି କ୍ରୀୟା ହୋଇ ନଥିବାର ଜଣାପଡିଛି,
