କୋରାପୁଟ ୩୧-୦୭(ଓଡିଆ ପୁଅ /ରଂଜନ ଦାସ) ଜୟପୁର ଅବକାରୀ ବିଭାଗ ଦ୍ୱାରା ପେପରମିଲ ଛକ ନିକଟରୁ ଦେଢ ଲକ୍ଷ ଟଙ୍କାର ଗଞ୍ଜେଇ ଜବତ କରାଯିବା ସହ ଘଟଣାରେ ୩ଜଣକୁ ଗିରଫ କରାଯାଇଥିବା ଜଣାପଡିଛି । ଗିରଫ ଅଭିଯୁକ୍ତମାନେ ହେଲେ ଜୟପୁର ସଦର ଥାନା ପାକନାଗୁଡା ଗ୍ରାମର ପରେଶ କୁମାର ନାୟକ,ହାଟକଙ୍ଗା ଗ୍ରାମର ଯୋଗେଶ ହରିଜନ ଓ ହରେଶ ହରିଜନ । ପେପରମିଲ ଆଡୁ ଜୟପୁରକୁ ଏକ ଅଟୋରିକ୍ସାରେ ଗଞ୍ଜେଇ ଚୋରା ଚାଲାଣ ହେଉଥିବା ଖବର ବିଶ୍ୱସ୍ତ ସୂତ୍ରରୁ ଅବକାରୀ ନିରୀକ୍ଷକ ଧୃବଦଳ ବିଶ୍ୱାଳଙ୍କୁ ମିଳିଥିଲା । ଇନସପେକ୍ଟର ବିଶ୍ୱାଳଙ୍କ ସହ ଜୟପୁର ଅବକାରୀ ଓଆଇସି ସଂଜୟ କୁମାର କାଣ୍ଡି ଓ ଅନ୍ୟମାନେ ପେପରମିଲ ଛକରେ ଅଟୋରିକ୍ସାକୁ ଚେକିଂ କରିବା ବେଳକୁ ଗାଡିରୁ ଏକ ଜରି ଅଖାରେ ଥିବା ୧୫ କିଲୋଗ୍ରାମ ଗଞ୍ଜେଇ ମିଳିଥିଲା । ଉକ୍ତ ଗଞ୍ଜେଇ ଓ ଅଟୋରିକ୍ସାକୁ ଜବତ କରି ଅବକାରୀ ଟିମ ଅଭିଯୁକ୍ତ ମାନଙ୍କୁ ଗିରଫ କରିଥିଲା ।
