ମାଲକାନଗିରି,୮ ।୬ (ଓଡିଆ ପୁଅ ) ମାଲକାନଗିରି ପୌରପରିଷଦ ଅଚଂଳରେ ଆଜିଠାରୁ ୧୮ବର୍ଷରୁ ୪୪ବର୍ଷ ବର୍ଗର ହିତାଧିକାରୀ ଙ୍କୁ କୋଭିଡ ଟାକା ଦେବା ଆରମ୍ଭ ହୋଇଯାଇଛି । କୋଭିଡ ନିୟମ ପାଳନ କରାଯାଇ ଜିଲ୍ଲାସଦର ମହକୁମାସ୍ଥ ବୁଟିଗୁଡା ବିଦ୍ୟାଳୟ ପରିସରରେ ଖୋଲା ଯାଇଥିବା ଟିକାକରଣ କେନ୍ଦ୍ରକୁ ଜିଲ୍ଲାପାଳ ଡକ୍ଟର ୟେଦୁଲା ବୀଜୟ ଆନୁଷ୍ଟିନିକ ଭାବେ ଉଦଘାଟନ କରିଛନ୍ତି । ଆଜି ପ୍ରଥମ ଦିବସରେ ୧୨୫୦ଜଣ ଙ୍କୁ କରୋନାଟିକା ପ୍ରଦାନ କରାଯାଇଛି । ପୌରାଚଂଳର ୧୯ଟି ଓ୍ୟାର୍ଡରେ ୧୬୬୦୦ଜଣ ୧୮ବର୍ଷରୁ ୪୫ବର୍ଷ ବର୍ଗର ହିତାଧିକାରୀ ଙ୍କୁ ଚିହ୍ନଟ କରାଯାଇଛି । ମାଲକାନଗିରି ପୌରାଚଂଳକୁ ପ୍ରଥମ ପର୍ଯ୍ୟାୟରେ ୨୫୦୦ କୋଭିଢ ଟିକା ସରକାରଙ୍କ ପକ୍ଷରୁ ମିଳିଛି । ପରବର୍ତି ସମୟରେ ପର୍ଯ୍ୟାୟ କ୍ରମେ ଏହି ଟିକାକରଣ କାର୍ଯ୍ୟକ୍ରମ ଚାଲୁରହି ମୋଟ ୧୬୬୦୦ଜଣ ୧୮ବର୍ଷରୁ ୪୫ ବର୍ଷ ବର୍ଗର ହିତାଧିକାରୀ ଙ୍କୁ ଟିକାପ୍ରଦାନ କରାଯିବା ପାଇଁ ନିସ୍ପତି ନିଆଯାଇଛି । ଏହି ଟିକାକରଣ କେନ୍ଦ୍ର ଉଦଘାଟନି ସଭାପରେ ଜିଲ୍ଲାପାଳଙ୍କ ସହିତ ଅତିରିକ୍ତ ଜିଲ୍ଲାପାଳ ବୀରସେନ ପ୍ରଧାନ,ଉପଜିଲ୍ଲାପାଳ ରାମେଶ୍ୱର ପ୍ରଧାନ,ଜିଲ୍ଲାମୁଖ୍ୟ ସ୍ୱାସ୍ଥ୍ୟଅଧିକାରୀ ଡାକ୍ତର ପ୍ରଫୁଲକୁମାହର ନନ୍ଦ ପ୍ରମୁଖ ଉପସ୍ଥିତି ଥିଲେ । ଟିକାକରଣ କେନ୍ଦ୍ରକୁ ୧୮ବର୍ଷରୁ ୪୫ବର୍ଷ ବର୍ଦର ହିତାଧିକାରୀ ମାନେ କୋଭିଡ ନିୟମ ପାଳନ କରି ମୁହଁରେ ମାସ୍କପରିଧିନ ସହିତ ସାମାଜିକଦୂରତା ଅବଲମ୍ବନକରି ଲମ୍ବାଧାଢିରେ ଛିଡାହୋଇ ଆଗ୍ରହ ସହକାରେ ଟିକାନେବାକୁ ଜଗିରହିଥିବାର ଦେଖିବାକୁ ମିଳିଥିଲା । ଏହି ଅବସରେ ଡିପିଓମଓ ବନବିହାରୀ ମିଶ୍ର,ଟିକାକରଣ ଜିଲ୍ଲାସଂଯୋଜକ ଶିବପ୍ରସାଦ ପ୍ରହରାଜ,ଜିଲ୍ଲାମୁଖ୍ୟସ୍ୱାସ୍ଥ୍ୟ ଅଧିକାରୀଙ୍କ କାର୍ଯ୍ୟାଳୟର ସଚିନଗୌଡ,ସଂଗ୍ରାମ କୁମାର ପଣ୍ଡା ପ୍ରମୁଖ ଅଧିକାରୀ ଟିକାରଣ କେନ୍ଦ୍ରଗୁଡିକ ପରିଦର୍ଶନ ସହ କାର୍ଯ୍ୟକ୍ରମ ପରିଚାଳନା କରିଥିଲେ । ମାଲକାନଗିରି ଜିଲ୍ଲା ହସପିଟାଲ,ବିବିଗୁଡା ସ୍କୁଲ,ଏକ୍ସ ବୋର୍ଡ ସ୍କୁଲ,ବୁଟିଗୁଡା ସ୍କୁଲ,ସରକାରି ବାଳିକା ଉଚ୍ଚବିଦ୍ୟାଳୟ ୫ଟି ସ୍ଥାନରେ ପ୍ରଥମ ଦିବସରେ ୧୨୫୦ଜଣ ଙ୍କୁ ଟିକାପ୍ରଦାନ କରାଯାଇଛି । ଆସନ୍ତା କାଲି ମଧ୍ୟ ସକାଳ୯ଟା ଠାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ଚିକାକରଣ କରାଯିବ ।
