ମାଲକାନଗିରି,୨୨ା୨(ଓଡିଆ ପୁଅ )ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟ ଦନ୍ଦେଓ୍ୟାର୍ଡା ଜିଲ୍ଲା ଓରପାଲ ଜଙ୍ଗଲରେ ସନ୍ଦେହଜନକ ଅବସ୍ତାରେ ପୋଷାକ ପରିଧାନ କରିଥିବା ନରକଙ୍କାଳ ମିଳିଛି । ଓରପାଲ ଜଙ୍ଗଲକୁ ଗାଇ ଚରାଇବାକୁ କିଛି ଲୋକ ଯାଇଥିବା ସମୟରେ ଏକ ପଥର ସନ୍ଦିରୁ ଦୁର୍ଗନ୍ଧ ବାସନା ଆସୁଥିବାର ଜାଣିପାରି ସେଠାକୁ ଯାଇ ଦେଖିଲା ବେଳକୁ ପୋଷାକ ପିନ୍ଧିଥିବା ଏକ ନରକଙ୍କାଳ ପଡିଛି । ସେମାନେ ଭୟଭିତ ହୋଇ ଦୌଡିପଳାଇ ଏ କଥା ଗାଁରେ ଜଣାଇବାରୁ ଗ୍ରାମବାସୀ ମାନେ ସେଠାରେ ପହଁଚି ପ୍ୟାଟଂ ସାର୍ଟ ଘଟାଂ ପିନ୍ଧିଥିବା ନର କଙ୍କାଳକୁ ଚିହ୍ନଟକରିଥିଲେ । ଭାଂସିପୋରକୋମଲ ଗ୍ରାମର ଏନଏମଡିସି ର କର୍ମଚାରି ଚତୁରସିଂ, ସେ ଗତ କିଛି ମାସତଳେ ଚାକିରି ରୁ ଅବସର ନେଇଥିଲେ, ସେ ଗତକିଛି ଦିନହେଲା ଘରୁ ନିଖୋଜ ଥିଲେ । ତାଙ୍କପରିବାର ଲୋକେ ଓ ଗ୍ରାମବାସୀ ସେହି ନରକଙ୍କାଳକୁ ଘରକୁ ନେଇ ଯାଇ ପୁଲିସକୁ ଜଣାଇଥିଲେ । ପୁଲିସ ଘଟଣାସ୍ଥଳରେ ପହଁଚି ତଦନ୍ତ ଚଳାଇଛନ୍ତି । ଏହା ଏକ ହତ୍ୟାକାଣ୍ଡ ହୋଇଥାଇ ପାରେ ବୋଲି ପରିବାର ଲୋକେ ଓ ଗ୍ରାମବାସୀ ମାନେ ସନ୍ଦେହ କରୁଛନ୍ତି ।
