ମାଲକାନଗିରି, ୧୪।୯ (ଓଡ଼ିଆ ପୁଅ) ମାଲକାନଗିରି ଜିଲ୍ଲା ମୋଟୁ ଥାନସ୍ଥ MPV ୮୩ ଗ୍ରାମରେ ଆଜି ଏକ ବେଳୁନ ସଦୃଶ୍ୟ ପାରାସୁଟ ଉଡି ଆସିଥିବା ଦେଖିବାକୁ ମିଳିଛି। ଆଜି ସକାଳୁ ଏକ ଜମିରେ ଏହି ପ୍ୟାରସୁଟ ଟି ପଡିଥିବା ବେଳେ ସ୍ଥାନୀୟ ଲୋକେ ଏହାକୁ ଦେଖି ପୋଲିସକୁ ଖବର ଦେଇଥିଲେ। ପ୍ୟାରସୁଟରେ ଭାରତ ସରକାର ଲେଖା ରହିବା ସହ ଅଶୋକ ସ୍ତମ୍ଭ ରହିଛି। ତେବେ ଏହା କେଉଁଠୁ ଏବଂ କେମିତି ଆସିଲା ସେନେଇ କୌଣସି ଖବର ନଥିବା ବେଳେ ଲୋକେ ଏହାକୁ ଦେଖିବାକୁ ଭିଡ଼ ଜମାଇଛନ୍ତି। ପ୍ରଥମ ଥର ପାଇଁ ଏଭଳି ପାରସୁଟକୁ ଦେଖି ଲୋକେ ସ୍ତମ୍ବୀଭୁତ ହୋଇ ରହିଛନ୍ତି। ଘଟଣା ସ୍ଥଳରେ ମୋଟୁ ପୋଲିସ ଓ ଅଗ୍ନିଶମ ବିଭାଗ ପହଁଚି ତଦନ୍ତ ଆରମ୍ଭ କରିବା ସହ ବେଳୁନ ସଦୃଶ୍ୟ ପାରାସୁଟଟିକୁ କାଲିମେଳା ଅଗ୍ନିଶମ ବିଭାଗ ମୋଟୁ ପୋଲିସକୁ ହସ୍ତାନ୍ତର କରିଛନ୍ତି।
