ad
Coronavirus Outbreak

ୟୁପିରେ ଖୋଲିବ ମଦ ଦୋକାନ; ତେବେ ଓଡ଼ିଶାରେ ସମାଲୋଚନା କାହିଁକି ..

ଭୁବନେଶ୍ୱର: ଉତ୍ତରପ୍ରଦେଶ ମୁଖ୍ୟ ଶାସନ ସଚିବଙ୍କ ଦ୍ୱାରା ଜାରି କରାଯାଇଥିବା ନୂତନ ନିର୍ଦ୍ଦେଶାବଳୀ ଅନୁଯାୟୀ, ଆଜିଠାରୁ କରୋନା ଭାଇରସ୍ ହଟସ୍ପଟ୍ ଅଞ୍ଚଳ ଠାରୁ ଏକରୁ ତିନି କିଲୋମିଟର ଦୂରତା ବ୍ୟତୀତ ରାଜ୍ୟର ସମସ୍ତ ଜିଲ୍ଲାର ଅନ୍ୟ ସମସ୍ତ ଅଞ୍ଚଳରେ ଲାଇସେନ୍ସ ପ୍ରାପ୍ତ ମଦ, ବିୟର ଏବଂ ଭାଙ୍ଗ ଦୋକାନ ଖୋଲିବ। ଉତ୍ତର ପ୍ରଦେଶରେ ବିଜେପି ସରକାର ମଦ ଦୋକାନ ଖୋଲିବା ପାଇଁ ନିଷ୍ପତ୍ତି ନେଇଥିବା ବେଳେ ଓଡ଼ିଶା ସରକାରଙ୍କ ମଦ ଦୋକାନ ଖୋଲିବା ନିଷ୍ପତ୍ତିକୁ ଓଡ଼ିଶା ବିଜେପିର କିଛି ନେତାନେତ୍ରୀ ଏବଂ କାର୍ଯ୍ୟକର୍ତ୍ତା ସମାଲୋଚନା କରିବା ହାସ୍ୟାସ୍ପଦ ଲାଗୁଛି।

ସାମାଜିକ ଦୂରତା ରକ୍ଷା କରିବା ସର୍ତ୍ତ ପାଳନ କରିବା ଆଦେଶ ସହିତ ମଦ ଦୋକାନ ଗୁଡ଼ିକୁ ଖୋଲିବାକୁ ଉତ୍ତରପ୍ରଦେଶ ସରକାର ଅନୁମତି ଦେଇଛନ୍ତି। ଆଜିଠାରୁ ରାଜ୍ୟରେ ଲାଇସେନ୍ସ ପ୍ରାପ୍ତ ସମସ୍ତ ଦେଶୀ ଏବଂ ବିଦେଶୀ ମଦ, ବିୟର ଏବଂ ଭାଙ୍ଗ ଦୋକାନ ସକାଳ ୧୦ଟାରୁ ସନ୍ଧ୍ୟା ୭ଟା ଯାଏଁ ଖୋଲା ରହିବ। ତେବେ ବିକ୍ରୟ ସମୟରେ ଏକ୍ସାଇଜ୍ ଦୋକାନ ଗୁଡ଼ିକ ନିକଟରେ ସାମାଜିକ ଦୂରତା ରକ୍ଷା ନିୟମ କଡ଼ାକଡ଼ି ଭାବେ ପାଳନ କରାଯିବ ବୋଲି ସ୍ପଷ୍ଟ କରାଯାଇଛି।

କ୍ରେତା ଏବଂ ଷ୍ଟୋର ବିକ୍ରେତାମାନେ ମାସ୍କ ପିନ୍ଧିବେ –
କେବଳ ଜଣେ ବ୍ୟକ୍ତି ଦୋକାନ କାଉଣ୍ଟରରେ ସପିଂ କରିବାକୁ ସକ୍ଷମ ହେବେ। କିଣିବାକୁ ଇଚ୍ଛା କରୁଥିବା ଲୋକମାନେ ଅନ୍ୟାନ୍ୟ ଅତ୍ୟାବଶ୍ୟକ ଉପଭୋକ୍ତା ସାମଗ୍ରୀ କିଣିବା ପରି ଏକ୍ସାଇଜ୍ ଦୋକାନ ବାହାରେ ଧଳା ବୃତ୍ତରେ ମଧ୍ୟ ଛିଡା ହେବେ। ଏହାସହ ଦୋକାନ ବାହାରେ କିମ୍ବା ଆଖପାଖରେ ଠିଆ ହୋଇ ମଦ୍ୟପାନ କିମ୍ବା ବିୟର ପିଇବା ସମ୍ପୂର୍ଣ୍ଣ ନିଷେଧ।

ଖୁସି ଖବର: ଏଣିକି ଟ୍ରେନରେ ମାଗଣାରେ ଆସିବେ ପ୍ରବାସୀ ଶ୍ରମିକ ..

Loading...
ad
Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

To Top