ad
ଓଡ଼ିଶା

କଣ ପାଇଁ ରାସ୍ତାରେ ଶବ ରଖି ଉତ୍ତେଜନା କଲେ ଗାଁ ଲୋକେ ?

ବାଲେଶ୍ଵର, ୨୭/୭, (ଓଡ଼ିଆ ପୁଅ/ପଙ୍କଜିନୀ ନାୟକ): ଆଜି ବାଲେଶ୍ୱର ଜିଲ୍ଲା ଭୋଗରାଇ ଥାନା ଅନ୍ତର୍ଗତ ବାଲିଆପାଳ-କମର୍ଦ୍ଦା ମୁଖ୍ୟରାସ୍ତାର ଉଲୁଡା ଛକ ନିକଟରେ ଶବ ରଖି ସ୍ଥାନୀୟ ଲୋକେ ରାସ୍ତା ରୋକ କରିଛନ୍ତି।

ଗତକାଲି ମୃତ ବିଜୟ ଦଳାଇଙ୍କ ମୃତଦେହ ବ୍ୟବଚ୍ଛେଦ କରିବା ପାଇଁ ମାଜିଷ୍ଟ୍ରେଟ୍‌ ନିର୍ଦ୍ଦେଶ ଦେଇଥିଲେ। ମାତ୍ର ଶବ ବ୍ୟବଚ୍ଛେଦ ହୋଇପାରି ନଥିବାରୁ ଆଜି ଭୋର ୫ଟାରେ ଆମ୍ବୁଲାନ୍ସ ଯୋଗେ ୨ଜଣ ପୋଲିସ ବିଜୟଙ୍କ ମୃତଦେହ ଭୋଗରାଇ ବ୍ଲକ ଉଲୁଡାକୁ ନେଇ ଆସିଥିଲେ।

ହେଲେ ପରିବାର ଲୋକଙ୍କ ଅନୁପସ୍ଥିତିରେ ଏହା କରାଯାଇଥିବାରୁ ସେଠାରେ ଉତ୍ତେଜନା ଦେଖାଦେଇଛି। ଆଉ ଗାଁ ଲୋକେ ଆମ୍ବୁଲାନ୍ସ ଡ୍ରାଇଭର ସହ ୨ଜଣ ପୋଲିସକୁ ଅଟକ ରଖି ୨୦ ଲକ୍ଷ କ୍ଷତିପୂରଣ ଦାବି କରିଛନ୍ତି।

ଗତକାଲି ନାବାଳକର ଝୁଲନ୍ତା ମୃତଦେହ ଉଦ୍ଧାର କରାଯାଇଥିଲା। ମୃତ ନାବାଳକ ଜଣଙ୍କ ଉଜୁଡା ଗ୍ରାମର ବିଜୟ ଦଳାଇ ବୋଲି ଜଣାପଡିଛି।

Loading...
ad
Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

To Top