ୱାଶିଂଟନ୍ ଡିସି/ନୂଆ ଦିଲ୍ଲୀ ୧୫-୫ (ଓଡ଼ିଆ ପୁଅ) ଗରିବ ଏବଂ ଅଣସଂଗଠିତ ଶ୍ରମିକଙ୍କୁ ସାମାଜିକ ସହାୟତା ଯୋଗାଇବାରେ ଭାରତର ପ୍ରୟାସକୁ ସମର୍ଥନ କରିବା ପାଇଁ ବିଶ୍ୱ ବ୍ୟାଙ୍କର କାର୍ଯ୍ୟନିର୍ବାହୀ ନିର୍ଦ୍ଦେଶକ ଆଜି ଏକ ବିଲିୟନ ଡଲାରର ଭାରତର COVID-୧୯ ସାମାଜିକ ସୁରକ୍ଷା କାର୍ଯ୍ୟକ୍ରମକୁ ଅନୁମୋଦନ କରିଛନ୍ତି ବୋଲି ଏକ ପୋଷ୍ଟରେ ବିଶ୍ୱବ୍ୟାଙ୍କ ତରଫରୁ ପ୍ରକାଶ କରାଯାଇଛି। ଭାରତରେ COVID-19 କାରଣରୁ ବିଶ୍ୱ ବ୍ୟାଙ୍କରୁ ମୋଟ ୨ ବିଲିୟନ ଡ଼ଲାର ଅର୍ଥାତ୍ ପ୍ରାୟତଃ ୧୫ ହଜାର କୋଟି ଟଙ୍କାର ସହାୟତା ମିଳିଛି। ର୍ପବରୁ ଭାରତର ସ୍ୱାସ୍ଥ୍ୟ କ୍ଷେତ୍ରକୁ ତୁରନ୍ତ ସହାୟତା ଦେବାପାଇଁ ଗତ ମାସରେ ୧ ବିଲିୟନ ଡଲାର ଅର୍ଥାତ୍ ପ୍ରାୟତଃ ୭୫୦୦ କୋଟି ଟଙ୍କାର ସହାୟତା ରାଶି ଘୋଷଣା କରିଥିଲା ବିଶ୍ୱ ବ୍ୟାଙ୍କ।
ଏହି ନୂତନ ସହାୟତା ଦୁଇଟି ପର୍ଯ୍ୟାୟରେ ଅର୍ଥ ପ୍ରଦାନ କରାଯିବ – ୨୦୨୦ ଆର୍ଥିକ ବର୍ଷ ପାଇଁ ତୁରନ୍ତ ୭୫୦ ନିୟୁତ ଡଲାର ଏବଂ ୨୫୦ ମିଲିୟନ୍ ଡଲାରର ଦ୍ୱିତୀୟ ଟ୍ରାନ୍ଜାକ୍ସନ ଯାହାକି ୨୦୨୧ ଆର୍ଥିକ ବର୍ଷ ପାଇଁ ଉପଲବ୍ଧ ହେବ।
ଏହି କାର୍ଯ୍ୟକ୍ରମର ପ୍ରଥମ ପର୍ଯ୍ୟାୟ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା (PMGKY) ମାଧ୍ୟମରେ ଦେଶବ୍ୟାପୀ କାର୍ଯ୍ୟକାରୀ ହେବ। ତୁରନ୍ତ ନଗଦ ସ୍ଥାନାନ୍ତର ଏବଂ ଖାଦ୍ୟ ସୁରକ୍ଷା ପାଇଁ ଏହା ସହାୟକ ହେବ। ପୂର୍ବରୁ ଥିବା ପିଡିଏସ୍ ଅର୍ଥାତ୍ ସାଧାରଣ ବଣ୍ଟନ ଏବଂ ସିଧାସଳଖ ଲାଭ ସ୍ଥାନାନ୍ତର (DBT) ପରି ପ୍ରୋଗ୍ରାମର ଏକ ମୂଳ ସେଟ୍ ବ୍ୟବହାର କରି ଏହି ସହାୟତା ଦେବାକୁ ଅନୁମୋଦିତ ହୋଇଛି। ଏହି ସହାୟତା ଫଳରେ ଅତ୍ୟାବଶ୍ୟକ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାରୁ ବଞ୍ଚିତ ଶ୍ରମିକ ତଥା ଅଣସଂଗଠିତ ଗରିବମାନଙ୍କ ପାଇଁ ବେଶ୍ ସହାୟକ ହେବ ବୋଲି ବିଶ୍ୱବ୍ୟାଙ୍କ ତରଫରୁ କୁହାଯାଇଛି।
ଦ୍ୱିତୀୟ ପର୍ଯ୍ୟାୟରେ, ଏହି କାର୍ଯ୍ୟକ୍ରମ ସାମାଜିକ ସୁରକ୍ଷା ପ୍ୟାକେଜକୁ ଆହୁରି ସୁଦୃଢ଼ କରାଯାଇପାରିବ ସ୍ଥାନୀୟ ଆବଶ୍ୟକତାକୁ ଆଧାର କରି ଅତିରିକ୍ତ ନଗଦ ସୁବିଧା ରାଜ୍ୟ ସରକାର ସାମାଜିକ ସୁରକ୍ଷା ବିତରଣ ବ୍ୟବସ୍ଥା ମାଧ୍ୟମରେ ବିସ୍ତାର କରାଯିବ।
ବିଶ୍ୱ ବ୍ୟାଙ୍କ ତରଫରୁ କୁହାଯାଇଛିଯେ, ଭାରତର ଜନସଂଖ୍ୟାର ଅର୍ଦ୍ଧେକ ଦିନକୁ ୩ ଡଲାର (ପ୍ରାୟ ୨୨୦ ଟଙ୍କା) ରୁ କମ୍ ରୋଜଗାର କରନ୍ତି ଏବଂ ଦାରିଦ୍ର ସୀମାରେଖା ନିକଟତର ଥିବାରୁ ସାମାଜିକ ସୁରକ୍ଷା ଏକ ଗୁରୁତ୍ୱପୂର୍ଣ୍ଣ ବିନିଯୋଗ ଅଟେ। ଭାରତର ୯୦% ରୁ ଅଧିକ କର୍ମଜୀବୀ ଅଣସଂଗଠିତ କ୍ଷେତ୍ରରେ ନିଯୁକ୍ତ ଅଛନ୍ତି। ସେମାନଙ୍କର କୌଣସି ଗୁରୁତ୍ୱପୂର୍ଣ୍ଣ ସଞ୍ଚୟ ନଥାଏ କିମ୍ବା କର୍ମକ୍ଷେତ୍ର ଭିତ୍ତିକ ସାମାଜିକ ସୁରକ୍ଷା ସୁବିଧା ଯେପରିକି ଦେୟଯୁକ୍ତ ଅସୁସ୍ଥ ଛୁଟି କିମ୍ବା ସାମାଜିକ ବୀମା ନଥାଏ। ୯୦ ଲକ୍ଷରୁ ଅଧିକ ପ୍ରବାସୀ, ଯେଉଁମାନେ ପ୍ରତିବର୍ଷ କାମ କରିବା ପାଇଁ ରାଜ୍ୟ ବାହାରକୁ ଯାଇଥାନ୍ତି। ସେମାନେ ମଧ୍ୟ ଅଧିକ ବିପଦରେ ଥାଆନ୍ତି କାରଣ ଭାରତରେ ସାମାଜିକ ସହାୟତା କାର୍ଯ୍ୟକ୍ରମଗୁଡ଼ିକ ରାଜ୍ୟ ସୀମା ମଧ୍ୟରେ ଥାଏ। ସୁବିଧାଗୁଡ଼ିକର ପର୍ଯ୍ୟାପ୍ତ ପୋର୍ଟେବିଲିଟି ବିନା ରାଜ୍ୟ ମଧ୍ୟରେ ବାସିନ୍ଦାଙ୍କୁ ସୁବିଧା ପ୍ରଦାନ କରିଥାଏ।
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଭାରତର ସର୍ବ ବୃହତ ସାମାଜିକ ସୁରକ୍ଷା କାର୍ଯ୍ୟକ୍ରମ ଗ୍ରାମାଞ୍ଚଳର ଜନସଂଖ୍ୟା ଉପରେ ଧ୍ୟାନ ଦିଆଯାଇଛି। ଭାରତରେ ସହର ଗୁଡ଼ିକରେ ଏହିପରି ସହାୟତା ଆବଶ୍ୟକ ରହିଛି।
ସମଗ୍ର ବିଶ୍ୱରେ COVID-୧୯ ମହାମାରୀର ସଂକ୍ରମଣକୁ ପ୍ରତିହତ କରିବା ପାଇଁ ବିଭିନ୍ନ ଦେଶର ସରକାର ସାମାଜିକ ଦୂରତାକୁ ଗୁରୁତ୍ତ୍ୱ ଦେବା ପାଇଁ ହଠାତ୍ ଲକଡାଉନ୍ କରିବା ଆବଶ୍ୟକ ମଣିଛନ୍ତି। ଭୂତାଣୁ ବିସ୍ତାରକୁ କମକରାଯିବା ପାଇଁ ଉଦ୍ଦିଷ୍ଟ ଏହି ପଦକ୍ଷେପଗୁଡିକ ଅର୍ଥନୀତି ଏବଂ ଚାକିରୀ ଉପରେ ବିଶେଷ ପ୍ରଭାବ ପକାଇଛି। ସବୁଠାରୁ ବଡ଼ ଲକଡାଉନ୍ ଭାରତରେ ହୋଇଛି। ଭାରତର ବିଶ୍ୱ ବ୍ୟାଙ୍କ ଜାତୀୟ ନିର୍ଦ୍ଦେଶକ ଜୁନାଦ ଅହମ୍ମଦ କହିଛନ୍ତିଯେ, ଏହି ପରିପ୍ରେକ୍ଷୀରେ, ନଗଦ ସ୍ଥାନାନ୍ତର ଏବଂ ଖାଦ୍ୟ ସୁବିଧା ଗରିବ ଏବଂ ଅଣସଂଗଠିତ ଶ୍ରମିକଙ୍କ ସୁରକ୍ଷା ହେତୁ ଏହା ସାହାଯ୍ୟ କରିବ ଯେ ପର୍ଯ୍ୟନ୍ତ ଅର୍ଥନୀତି ଟ୍ରାକକୁ ଆସିନାହିଁ।
